132 97. 1376. 0. 0. 21. August. (Pfinztag vor Bartholomaeus.) Ruger von Humrechtsried Landrichter zu Schlierbach verkauft an u. I. F. Zeche zu Kirchdorf das Gut zu Staynasperch in der Pfarre Kirchdorf. ICH Rueger von humbrechtzried ze den zeiten lantrichter ze Styrwach, mein hausfrau und ich Fridrich Rügers sun, weychkartz dez cholen enichel und mitsampt uns all unser eriben, die wir haben oder noch gewinnen, wir tun kunt und ver¬ gehen offenlichen mit dem gegenwärtigen prief allen läwien gegenwärtigen und chünftigen, Daz wir mit wolbedachtem müt und ze den zeiten, do wir ez mit recht wol getun mochten, haben ze chauffen geben recht und redlichen Den Erberen läuten ze chirichdorff, jansen von Grueb ze den zeiten margi Richter daselbs, Dyetrichen dem Tytzzel, Fridrichen dem höltzel, jansen dem judel und allen andern erberen laten daselbs, ez sein Pfaffen oder layen, die in unser vrowen zech sint ze chirichdorff, unser vreys aygen, Dacz gutel am Staynasperch, daz gelegen ist ob der widem im pach enhalb wadem spach in chirichdorffer pfarr. Wir habenz auch in unser vrawen zech und den Erberen lawen, die darinn sint, geben für ain freys agen. Und haben inz geben umb ain gelt, dez wir gar und gentzlich aus unser vrowen zech und von den erberen laten, die in derselben zech sint, gericht und gewert sein, wir haben in das selb vres aygen am Staynasperch geben mit allen den Eren, Rechten und niczzen, und darzu gehört ze holtz, und ze veld, versucht und unversucht, wie das genant ist, aus unser nuczz und gewer, in ir nicz und gewer in allem dem recht, als wir inngehabt haben wir haben uns auch der selben freyen aygens am Staynasperch fürczicht tan mit der beschaiden, Daz wir und all unser eriben, die wir haben oder noch ge¬ winnen, nach dem selben freyen aygen chain ansprach niemer mer gehaben schüllen weder mit Recht noch an recht wir schüllen auch des selben freyen aygens am Staynasperch und waz dar zue gehort, ir Rechter gewer und ir fürstant sein an aller der statt, wo dez in unser vrowen zech und den erberen laten, die in der selben zech sint, not und dürft geschicht
RkJQdWJsaXNoZXIy MjQ4MjI2