130 yetweder, seine .. Amptleute, oder verweser, die er dazu schicket, alle Czinse, Nicze, Gulte und felle, wie man die mag genennen, die uns beiden in allen unser Landen werden und gefallen mügen, gleich halp ausheben und ein nemen sol¬ und mag, on geuerd und on des andern irren, Und sullen alle unser beider Amptleute sweren unserm etlichem, derselben Nütze, Czinse, Gulte und felle seinen teil vngeuerlichen zu rechen und zu geben. Unser einer sol auch des andern dyener, wider seinen willen nicht eyn nemen, nach empfahen. Auch ensol, noch enmag unser einer, on des andern willen, dheine unsere Gepiet, Stat, Vesten, Slozz, Vrbar, Güter oder gülte, on allez geuerd, verkauffen, versezen, noch aufslege darauff tun noch machen, Doch mag unser etweder, unser güter, wie die genennet sein, die verpfendet oder versetzet sein in allen unser Landen losen, wenig oder vil, und gibt der ander seinem Bruder, der da geloset hat, nach der losung den halben teil des gelts darumb gelost ist worden, So sol Jm dasselbe gelöste Gut halbez mit allen nützen und Rechten volgen, Waz auch unser yetweder besunder baz her Gelt¬ schuld gemacht hat, oder fürbazz machend wirdet, Dieselben Geltschuld sol derselbe Richten und beczalen, dem andern vengolten, Welcher unser auch icht erbirigen mochte, daz mag er geben und cheren wohin und wem er wil on des andern widersprechen. Auch sol unser einer on den andern keinen kryg ansahen oder machen, On als fyel, Wolt yemant mit uns mutwillen, oder ob yemant wider Recht unsere Land, Leute oder Güter an fyel, darumb sol unser einer dem andern getrewelichen und on geuerd beigestendig sein und beholffen. Doch mag unser yetweder dienen und beholffen sein, wem er wil, Also was derselbe dinst und Hilfe kosten wirdet; daz sol derselbe Richten und beczalen on den andern. Auch soll unser einer on den andern kleine Ster auf seczen noch ein¬ nemen, Ez wer dann, das unser eyner dem andern alsferrer wer¬ daz er Jm umb solche Steur nicht zu mocht gesprechen, und in Redliche und anliegend not drunge dieselben Ster zu nemen, von derselben Steur sol er dem andern seinem .. Brüder gleich seinen halben Teil on geuerde reichen und geben, und soll unser entweder, unser beider oder unser eins diener, und alle
RkJQdWJsaXNoZXIy MjQ4MjI2