128 93. 1376. Burghausen. 3. August. (Sonntag vor St. Oswald.) Friedrich Herzog in Bayern bestaetigt den ewigen Wochenmarkt in Mauerkirchen und giebt dem Markt Mauerkirchen dieselben Rechte, welche die Stadt Braunau hat. Wier Fridrich von gottes genaden pfalzgraff bey rein und Herzog Jn beiern 2c. Bekennen Offenlich mit dem brieff umb den Ewigen Wochen Marckt, den dy Hochgebornen fürsten. Her Steffan, der elter, unser lieber Her und Vater seliger gedacht nuss, Hern Steffan und Herr Johanns sein sun, unser lieb bruder, Alle pfalzgrafen bey rein, und Herzogen Jn Bern von besondern genaden geben habent unsern armen leuten zu Maurckirchen durch gott zw vodrist, und der lieben Mueter unser frauen die genedigklich da rastet, und auch durch unser Voruodern seil und durch aller unser sälden und Hailes willen und Jn auch dar ein geben habent alle dy recht, freihait, und guet gewonhait, dy unser stat zw braunaw und ander unser pan Marckt, die In unserm Lande gelegen sindt, habent, treulich und an alles geur, Als auch der brieff wol laut und beweist, den sy den Obgenanten unsern armen leuten unsers Marckhts und unser lieben Mueter unser frauen zu Maurckirchen vor¬ genant geben und gethan habent, Mit ainem brieff umb den obgenanten ewigen Wochen Marckt und umb ander sach, als oben benennt ist, das alles also beschechn ist, mit unserm gutlichen willen, wissen, gunst, heissen, und wort, und bestatten be¬ krefftigen und beuesten Jn den selben brief mit Crafft ditz brieffs mit allen stucken, punckten und artickin Jn aller mass und weiss als der brieff von wort zw wort begriffen ist, den sy also ainen habent über den Egenanten ewigen Wochen Marckt, und als oben geschriben stet genedigklich und treulich stet ze halten mit allen sachen. Mit vrkundt ditz brieffs Jn und Jrem markt, zw ainer ewigen statikait. Geben zw burkhausen ver¬ sigelten mit unserm anhangundem Jnsigel am nächsten sontag vor sandt Oswoldstag Nach Cristi gepuert Dreizehen Hundert Jar und darnach Jn dem sechsten und sibenzigsten Jar. Aus einem abschriftlichen Libell der Freiheiten von Mauerkirchen — (von gleicher Hand, letzte Abschrift de anno 1510) auf Papier, anfangs des 16. Jahr¬ hunderts im k. bayr. Allg. Reichsarchiv München. Selekt: ad Mauerkirchen Endgt. Mauerkirchen Markt.
RkJQdWJsaXNoZXIy MjQ4MjI2