122 ze Habspurg, ze Tyrol, ze Phirt und ze Kyburg, Marggrafen ze Burgow und Landgrafen in Elsazze. Bechennen und tün chunt offenleich mit disem briefe, Daz unser getrer lieber Haidenreich von Meissaw obrister Schenk in Osterreich, mit unser gunst und gutem willen an sich gelediget und erlöset hat, von dem Edeln unserm lieben Ohem Graf Hainreichen von Schornberg unser Behausung, Purg und Stat ze Weytra umb Viertausent phunt und Anderthalbhundert hunt wienner phenning, Darumb Si des egenanten von Schonberg phant sind gewesen von weilent unserm lieben Brüder herzog Rü¬ dolffen seligen und von uns nach sag seiner briefe, die er darüber gehebt und uns widergegeben hat, und davon sullent und mugent hinnenthin der genant Haidenreich von Meissa und sein erben dieselben unser behausung ze Weyttra, Purg und Stat mit gewonleichen zinsen und diensten und mit allen niczen und Rechten, die darzu gehörent, als die von alter herchomen sind, in eins rechten werenden phandes weis an abstag der nicze von uns innehaben und niessen, als lang, vncz daz wir oder unser erben, die von in erlösen und geledigen mit den genanten Viertausent und Anderthalbhundert hunden wienner penning. Si sullent ouch an demselben Satz und phand unser leut und güter daselbs vnuerdorbenleich und unwüstlich inne¬ haben, und fullent uns den Satz die Purg und Stat ze Weyttra, leute und güter zu einer gekleichen zeit in dem Jar ze lösen geben und wider in antworten, Wenne wir die Losung an Si vordern mit dem genanten irem gelte, an alles verziehen und widerred vngeuerleich. Auch sullent si oder wer von iren wegen die genanten unser Purg und Stat innehat, uns und unsern erben und nachkomen damite warten und gehorsam sein, Uns und die unsern darin und daraus ze lazzen und auch darinne ze enthalten wider allermenklichen nyemann aus¬ genomen, wenne und wie oft uns des not geschicht an allez geuer. Mit vrchund diez briefs. Besigelt mit unsern furstlichen anhangenden Insigeln. Der geben ist ze wenn an sand Jacobs tag, Do man zalte Von Kristes geburt dreuczehenhundert Jar und darnach in dem Sechs und Sibenzigsten Jar. Zwei hängende schöne Reitersiegel von ungefärbtem Wachs, von Sava Fig. 39 et 45.
RkJQdWJsaXNoZXIy MjQ4MjI2