101 Hainrich der Hekinger und mein obgeschribne Hausfraw wol¬ getun machten ir freys aygen und ir nachsten erben an Lehen daz hayzzet dacz dem Grezzyng und leit in Sand Gorger phar¬ mit allen den ein und niczen als wir daz in aygens gewer selbe vnuersprochenleich inn haben gehabt, mit alle dye und dar zu gehort versucht und unversucht umb Czwanzich phunt phening Wyenner münzz die sy uns berait, dar auf gelihen habent, der wir auch ganz und gar gewert seyn ann allen schaden, und schullen auch sew den sacz inn haben an alle irrung, und nuczen als sew pest mügen, und wann sew wellent, so mügen sew in umb als vil penning gesetzen wem sew wellent, Wir sein auch und mit uns all unser Erben, dez vorgeschriben satzes und des Lehens ir und aller ir erben Recht gewer und schern, für alle ansprach, als frey aygen und sacs Recht ist Jn dem Land ze österreich, Waz in oder im erben dar an abget mit Recht, da sy schaden an nemen, den sy mugen gesprechen pey im tren ungesar, den selben schaden, und auch das Hauptgut schullen sy haben ver¬ schadenleich auf aller der Hab dy wir und all unser erben haben, wo wir di haben, Ez sy aygen oder verlehencz gut purchrecht oder vant gut, wy daz genant ist, und schullen seyn da von becomen unberecht, In welchem gericht sy dat auf choment, mit unserm und aller unser Erben und freunt gütlichem willen, wir seyn Lebentig oder Tod, dar zu schol¬ auch seyn, umb daz vorgenant gelt, dez Satzs Losung jærlich an sand Gorgen Tag und zu chayner zeit mert, daz dy red steet und vnczebrochen beleib, dez gib ich vorgenanter Hainrich der Hekinger dem obgeschriben Lewpoltenn von Greyn und seiner Hausfrawn und allen im erben den offen prieff ver¬ sigelten für mich und für all meyn Erben mit meum an¬ hangunden Jnsigel, der wurt und dez Saczes sind zeug dy Erbern Hainrich der Ynczinger, Jans der Stainer und Herweich der Stayner mit im aller dreyer anhangunden Jnsigel inn an schaden. Der prief ist geben nach christi gepurd drew czehen Hundert Jar dar nach in dem Sechs und Sybenczkisten jar an dem Heligen Sunwent Tag. Alle Siegel fehlen. Orig. auf im Archiv des Museums zu Linz.
RkJQdWJsaXNoZXIy MjQ4MjI2