90 swas denne der übrigen nütz und gült ist, von den genanten Gütern, alle jar über dieselben achtzig phunt, das sol dem vor¬ genanten Jörigen von Waltse und seinen Erben gevallen. Wer aber, das dem vorgenanten Chadolten von Wehing und seinen Erben, oder wer den brief mit im guten Willen inne hat, des selben irs Dienstes an den genanten Gütern icht abgieng, und daz Jn der alle jar genzleich nicht geviell und gericht würd zu den obgenannten tegen, von welherlay sachen In derselbe abgangkch geschich, das sullen wir obgenannten alle und unser Erben unverschaidenleich Jn denne eruollen und erstatten an an alle widerred, souer daz Jn die genanten achtzig pfunt diensts alle iar ganz und gar geuallen und gerichtet werden, an allen gepresten. Tet wir des nicht, welich drey Si denne under uns obgenanten allen, oder unsere Erben monent und vodert, der sol dhainer ouf den andern nicht weigern, Sonder ir gleicher sol denne einen Erben chnecht selbandern mit zwain pherten des nechsten tags darnach ze Wienne in ein erber gasthaus senden, wo Si Jn hin zaigent und sullen die da inne ligen und laisten, alz inneligens und laistens recht ist, und da nymmer auschomen, Si werden ée irs dienstes des wir Si denne ze richten schuldig sein, alz vorgeschriben stet, ganz und gar gewert. Wir haben ouch vollen gewalt, das vor¬ genannt gelt von Jn abgelesen, wenn wir das von Sant Larenzen tag, der schierist chumt, über ain iar dar nach getun mügen, oder wellen, also wenne das ist, nach demselben iar, das wir Jn geben Achthundert phunt wienner penning mit einander und des diensts als uil, damit alz von der zeit gepuret, die Sich denne an dem iar vergangen hat, und da¬ wir Jn ouch dasselb gelt alles geantwürtten an allen iren schaden, wo Si das in dem lannde ze Österreich nemen wellent, So sein wir desselben geltes allerding von Jm ledig und los vnd sullen ouch wir in dieselben Lösung, wenn wir die tun wellen zway moneyd vor ze wizzen tun angeuer, oder wenne das ist, nach dem genanten iar, daz Si die vor¬ genanten achthundert phunt haben wellent, das sullen Si vns ouch zwai moneyd vor ze wizzen tun und sullen wir Si denne in denselben zwain moneyden derselben penning und als uil dienst damit alz von der zeit gepuret, die sich an dem ar
RkJQdWJsaXNoZXIy MjQ4MjI2