8 8 1376. 0. 0. 14. Juni. (Samstag St. Veitsabend.) Ruger von Humbrechtsried Richter zu Slierbach, verkauft dem Kloster Lambach seinen Hof zu Aychaym in Lambacher Pfarr ct., so alles Lehen von Lambach, Ich Rüger von Hombrechtzried ze den zeiten richter ze Slierbach und mein Hauzzfraw und mit samt Vns All unser eriben, di wir haben, oder noch Chünftikchleich gewinnen, wie di genant sind. Vergehen und tvn chunt offenbar mit dem gegenbürtigen brief allen, den di den brief an sehent oder hört lesen, Daz wir mit wolbedachtem müt und mit gütleichem willen und wort Aller unser erben und nach unser nachsten und pestten vrent rat und haizzen, ze der zeit do wir daz wol getun mochten recht und redlich ze Chaffen haben geben unsern hof genant ze Aycham, gelegen in Lambekchaer pharr und unser Wis genant auf dem Slag gelegen in Grunacher pharr, di payde unser recht Lehen gewesen sind, von dem Erwirdigen Gotzhaus ze Lambach. Den selben obgenanten Hoff und di Wis haben Wir chewfleich ze chauffen geben, Dem Erwirdigen geistlichen Herren Hern Vlreichen di zeit Abt ze Lambach, und dem Gotzhaws da selbs ze Lambach aus unser nutz und ger in ir nütz und ger mit allen den ern, nützen und rechten, di dar zu gehört und do von bechômen megen, ze holtz, ze Velld und ze Wismad oder wie sa daz genant ist, besucht und unbesucht und alz der Obgnant Hoff und di Wis von alter her chômen ist, umb ein gelt, dez wir ganz und gar von dem Obgnanten Gotzhaws gericht und gewert sein. An allen unsern schaden. Wir schüllen, auch dez voruerschriben chauffs des Obgnanten Gotzhauzz recht gern und fürstant sein, für Allem Ansprach wo in dez not und durft geschieht, also des Landes recht ist, ob der Ens, Waer aber daz in an der gewerschaft icht ab gieng von wiettann sachen sich daz fuegt, daz den Obgenanten Chaws anrürt, wiettann schaden si daran naemen, den selben schaden Schullen wir in ab tun und wider Chern, und schol. daz. daz Obgnant Gotzhaws haben und gewartend sein dacz uns und datz unsern tren und auf aller unser hab, wo wir di haben oder lazzen oder wie di gnant ist, besucht und unbesucht. Daz di red also staet und
RkJQdWJsaXNoZXIy MjQ4MjI2