82 61. 1376. 0. 0. 25. Mai. (St. Urban.) Leibgedings-Revers Franz des Asspeich auf Probst Dietmar und Conuent von Reichersberg über den Hof van dem Hof gelegen bei Gurten. Ich Frantzissk der Asspeich und mein hausfrau Agnes veriehen offenbar mit dem prief allen laten, das uns der erberig herr her Dietmar probst ze Reichersperg und der Conuent daselbs überal lazzen habent in hof der da haizzet und ge¬ nennet ist an dem hof gelegen pey Gürten der in lang vndienstpar und d gewesen ist, also zu unser zwain leiben mit der be¬ Schaiden, das wir den vorgenanten Hof stiftleich und weich legen schüllen, und sullen in auch dar umb inn haben drew jar an allen dienst, dar nach swenn di drew iar sich vergent und verlauffent, so sullen wir in da von järleich dienen und geben oder wer auf dem hof häweleich sitzt auf sand Michelstag ain pfunt pfennig wienner münzz an alles verziehen. Täten wir dez nicht, so habent si vollen gewalt auf dem obgenanten hof dar umb ze pienten alz auf andern im vrbarn. Würd aber in daz pfenten verstanden oder vräfleich gewert, so haben wir alle unsre recht verlorn. Wir aber da wir unsre recht müsten oder wolten versetzen oder verchauffen, di schüllen wir sew und in gotzhaus der ersten an pieten und nötten, möchten oder wolten si di von uns dann nicht gewerinen und chauffen, so mügen wir unsre recht versetzen oder ver¬ chauffen wem wir wellen und doch nur einem geleichen mann, von dem si irr vodrung alz leicht mügen bechômen alz von uns selb, und wenn unser obgenant czwen leib nicht mer sind und abgent, so ist in und im gotzhaus der offt genant hof ledig als man in dann vindet ze haus, ze hof, ze holtz und ze veld an widerred aller läwt. Und daz in und dem gotzhaus das also stät gantz und ungebrochen beleib, gib ich in obgenanter Frantzissk der Asspekch den prief versigelten mit meinem anhangundem insigel und zu einer pezzem sicherheit und gedachtnüzz under dez erbern mans Steffan des Zellä auch anhangundem insigel versigelt, der sein insigel durch unser fleizigen pet willen an den prief gehangen hat im vnd seinen Erben an schaden, daz geschehn ist nach Christes gepurd
RkJQdWJsaXNoZXIy MjQ4MjI2