uns gantz und gar geriht und gewert habent mit berayten phenning also, daz wir noch alle unser erben hintz der vorgenanten hub nym¬ mermer dhain ansprach sullen haben ewichleichen, wir sullen auch der vorgenanten hüb ier gewer sein für allen chrieg und ansprach wo in dez nôt geschieht, ze hof oder ze tayding nach landes reht. Stunde in daruber indert dhain chrieg auf dez sew schaden namen, denselben schaden sullen sew haben datz uns und unsern trewn und auf aller unser hab und dez dovon bechômen mit uns und unser erben gutleichem willen und wort an alles reht. Und daruber daz der chauf also furbas stât und unverchert beleib gib ich in vorgenanter Chunrat der Mühler für mich und für alle mein erben dem vorgenanten Weynmarn und seinen erben den prief versigelten mit meinem aygen anhangunden insigeln, und darzu durich pezzer getzewgnuzze willen diser sache versigelten mit dez erbern herren hern Otakchers von Rór zden zeiten purgraf ze Steyr der der vorgenanten hüb lehenherre ist an der fürsten stat von Ostercich, und mit dez erbern ritter hern Niclasen dez Hayden zden zeiten schaffer ze Steyr anhangunden insigeln. Der prief ist geben nach Christi gepürde über drewtzehen hundert jar darnach in dem ains und sechtzgisten jar dez suntags ze mittervasten Letare. Orig., Perg., im ehemaligen Archive von Garsten mit drei hängenden Siegeln von gelbem Wachs. VII. 1361. 7. März. — Anna Witwe Heinrichs des Schylher zu Gneixendorf und ihr Sohu Stephan erhalten vier Joch Acker zu Gneixendorf von den Herren zu Lambach als Leibgeding. Ich Ann Hainreichs dez Schylher hawsfraw von Gnauzzendorf' und ich Stephan ir sun wir verjehen, daz wir von dem erbern gotshaws ze Lambach ze leibgeding haben zu unsern tagen und nicht lenger vier jeuch akcher di gelegen sind auf dem Choboltz ze Gnauzzendorf ze nôst der herren von Lambach und der spitaler akcher, also weschaydenteich daz di egenanten herren von Lambach daz purchrecht von den egenanten akchern all iar dienen und raihen schullen den herren von Metyk an sand Cholmans tag an all unser mue. Und wann wir vorgenant zwen leib mit dem tod abgen und verschayden, so sind di vorgenanten vier jeuch akcher wi di dann
RkJQdWJsaXNoZXIy MjQ4MjI2