di darzü gehörent und davon bechomen mügen zü einem rehten leibding unsern zwain leiben also mit der beschaiden, daz wir in all jar an sand Merteins tag da von schüllen geben newn schilling wienner phenning di dann gib und geb sint. Welhes jars wir dez niht taten so habent si vollen gewalt auf di obgenanten hüb ze stiften wen si wellent, und schüllen wir und all unser erben si daran niht irren noch hindern mit chainerlay sachen, und waz wir mit in darumb und umb all püntl di vor oder nach an dem brief geschriben sint wolten chriegen oder rehten, daz wer mit geistleichem oder mit weltleichem rehten, daz schüllen si alles behabt haben und wir verlorn. Und wenn ich vorgenanter Hans Tobelhaimer und Heinreich mein sun nimmer sein daż Got lang niht geb, so ist in und irem gotzhaws di vorgenant hub ledig worden gantz und gar von uns und von allen unsern erben, und schol all unser afterchunft nimmer mer chain ansprach darnach gehaben noch gewinnen. Daz daz alles stet und unzerbrochen beleib darüber zü einer urchünd gib ich vorgenanter Hans Tobelhaimer in den brief versigelten mit meinem und mit meins vetern Chunrad der Tobelhaimer anhangenden insigeln, wan ich vorgenanter Heinreich dez oftgenanten Hansen Tobelhaimer sun ze diser zeit niht aigens insigels han so verpintt ich mich mit meinen trewn under den insigeln di an dem brief hangent alles daz stet ze haben und ze volfurn daz an dem brief geschriben ist. Daz geschach da man zalt von Christes gepurt drewtzehen hundert jar und dar nach in dem zwai und sechtzigstem jar an dem nehsten ffreytag vor dem auffertag. Orig., Perg., zwei Siegel in weissem Wachs, im königlich baierischen allgemeinen Reichsarchiv zu München. LXXVI. 1362. 22. Mai. — Die Sähne Heirichs des Mitterpecken Weichart und Jans verkaufen an Heinrich den Stenglein den Steinkellerhof und ein Pfund Pfenning auf der oberen Mühle in Kreusbach. ICII Weychart Hainreichs dez Mitterpechen sun und ich Jans sein prueder und all unser erben wir vergechen, daz wier verchauft haben unsers rechten lehens daz wir ze lechen haben gehabt von dem erbern herren hern Jansen von Wildekk ain hof gelegen var in dem Chreuzpach und haizzet in dem Staincheller, und ain phunt phenning geltes wienner munczze gelegen auf der Obern mut auch
RkJQdWJsaXNoZXIy MjQ4MjI2