gericht und gewert habent, wir sullen auch dez selben gûts ir gewer sein fûr alle ansprach. Daz die red furbas stât und unverchert beleib daruber gib ich Niclas der Haiden Weinmarn dem Tewerwanger und seinen erben den prief fur mich und alle mein erben zu einem waren urchunde der warhait versigelten mit meinem anhangunden insigel, und durch pezzer urchunde und sicherhait willen mit dez erbern ritter herren Niclasen dez Schechen zü den zeiten pürgraf ze Steyr anhangunden insigel, mit dez hant und willen der chauf geschehen ist und der dez obgenanten gûts rechter lehen herre gewesen ist an der fûrsten stat, und mit Gotfrids dex Sintzenberger anhangunden insigel die der selben sache und wandlung getzewgen sind mit ieren insigeln in und ieren erben an schaden. Der prief ist geben nach Christi gepurde uber drewtzehen hundert jar darnach in dem zwai und sechtzgisten jar an sand Jorgentag. Orig., Perg., im ehemaligen Archiv von Garsten mit drei hängenden Siegeln von braunem Wachs. LXXIII. 1362. 24. April. — Herwart der Lemperger und Conrad sein Sohn verkaufen an Abbt Johann zu Baumgartenberg frei-eigene Gûter zu Hard in der Pfarre Mitterkirchen. Ich Herward der Lemperger und ich Gedrawt sein hawsfraw ich Chunrat der Lemperger sein sun und ich Margreth sein haws¬ fraw wir verjehen, das wir zu kauffen haben geben den erwirdigen geistlichen herrn abbt Jannsen und dem convent gemain zu Paungartenperg unnsers freyen aigen und ledigen und unverkumertn gût: unnsern hof datz Hardt mit drein hofsteten die darein gehôrend, gelegen in Mitterkircher pfarr mit alle die und darzue gehort mit pawngarten und mit vischwaid in alle dem recht als wir und unnser vodern den in aigens gwer unversprochennlich von alter her haben bracht, umb sechtzig phund und umb zway hundert phundt phenning wiener minss die sy uns berait darumb geben haben, und sein auch der gantz uud gar verricht und gwert zu rechten tagen an allen schaden. Das dy red stât und unzerbrochen beleib, des geben wir in zu einem ewigen urchund den offenn brief versigelten mit mein vor genannts Herwarts des Lemperger anhangunden innsigell und mit mein obgenannts Chunrats des Lemperger anhangunden innsigell
RkJQdWJsaXNoZXIy MjQ4MjI2