unvertzogenleich begen und volpringen schüllen dez freytags in der quatember wochen: den selben vorgenanten gotzdienst hat der erwirdig herr probst Stephan von Ranshoven mit dez capitels rat und willen geewigt und bestât in der beschaiden, daz wir dem egenanten pfarrer von Geroltzperig und seim gesellen dar umb gemacht und gewidempt haben ewigs geltz vierzehen schilling pfenning die denn gib und gàb sint, dem pfarrer dew zwaytayl und dem gesellen daz drittayl. also daz wir si dez obgenanten geltz wern und rihten schüllen zü yeder quatemper vierdhalben schilling pfenning auz dem zechschreyn unsers vorgenanten gotzhaws unvertzogenleich und'an alz gevàr, wàr aber ob in daz vertzogen wurd von wie getanen sachen daz geschàch, so schullen darnach nach dem verzichen-darauf gen zwelif pfenning alz lang untz daz si dez vorgenanten geltz mit sampt den pfenning die zû yeder vrist darauf gegangen sint verriht und bezalt werden an allen schaden, daz schûllen si haben datz unsers gotzhawsse ze Hochberch hab wo ez die hat oder wo dew gelegen ist versücht oder unversücht. Ez ist auch ze merchen ob der egenant gotzdienst all wochen an dem mitichen und zu yeder qua¬ temper an dem freytag niht volpraht würd alz oben verschriben stet, so sol ez unvertzogenleich geschehen an dem nähsten tag hinnach, und ob dez aber niht geschach so gend dem pfarrer und seim gesellen alz oft zwelif pfenning ab an der obgenanten gûlt der si nimmer mer gevordern schullen in dhayner weys alz lang untz daz der vorgenant gotzdienst begangen und volpraht wirt. Ez ist auch getaydingt ob ain veyrtag an den mitichen geviel alz oft daz geschâch, so schol dew messe an dem nachsten tag ervolt werden und ob ayn veyrtag an den freytag in der quatemper wochen geviel so sol dew messe vor oder nach an aym andern tag begangen werden, und daz schol der pfarrer den pfarrlawten chunden oder sein gesell dez nâchsten sunntags vor der quatemper wochen. Daz daz also ewichleich stat gantz und unzerbrochen beleib geben wir den gegenwurtigen priet versigelt mit dez erbern mannes Hainreich dez Ahers ze den zeiten vormaister anhangunden insigel, darunder wir uns all unverschaidenleich verpinden mit unsern trewen an ayds stat ewichleich stat ze haben und ze volfurn alz daz an dem prief geschriben stet wan wir aygnár insigel nicht enhaben. Dez sint zewg und taydinger gewesen Hänsel Treyber Fridreich Treyber Hánsel der Swartz Treiber Pawls von Järgersteten Ureich der Zypflár Asperl von Swant
RkJQdWJsaXNoZXIy MjQ4MjI2