712 DCC. 1373. 22. Juli. — Ruger von Humrechtsried, Landrichter zu Schlierbach ver¬ kauft an u. l. F. Zeche zu Kirchdorf sein Eigen zu Widem in der Pfarre Kirchdorf. ICI Rueger von Humbretzzried ze den zeiten lantrichter ze Styerwach mein hawsfraw und ich Fridrich Rûgers sun Weycharta des Cholen enichell und mitsampt uns all unser eriben wir tun kunt. daz wir haben ze chawffen geben recht und redlichen den erberen lawten ze Chirichdorff Jansen von Grueb ze den zeiten margt richter daselbs Dyetrichen dem Tytzzel Fridrichen dem Höltzzel Janselin dem Judel und allen andern erberen lawten daselbs, ez sein pfaffen oder layen die in unser vrawen zech sint ze Chirichdorf unser vreys aygen datzz Widem gelegen in Chirichdorffer pfarr und ist gelegen pey dez pfarrers widem. wir habenz auch in unser vrawen zech und den erberen lawten die darinn sint geben für ayn freys aygen und haben inz geben umb ein gelt dez wir gar und gentzlich auz unser vrowen zech und von den erberen lawten die in der selben zech sint gericht und gewert seyn. wir haben in daz selh vreys aygen datz Widem geben mit allen den eren rechten und nutzzen und darzu gehórt auz unser nutz und gewer in ir nutz und gewer in allem dem recht als wirz inngehabpt haben, wir haben uns auch dez selben freyen aygens datz Widem fürtzicht tan mit der beschaiden, daz wir und all unser criben die wir haben oder noch gewinnen nach dem selben freyen aygen chain ansprach niemermer gehaben schüllen. Wir schüllen auch dez selben freyen aygens datz Widem und waz darzu gchort ir rechter gewer und ir fûrstant sein an aller der statt wo dez in unser vrawen zech und den criben (sie lawten die in der selben zech sint not und durft geschicht und auch als freys aygen und gewerschaft recht ist ist (sic) in dem land ob der Ens. Daz inser vrowen zech ze Chirichdorff und allen erberen lawten die darinn sint ez sein pfaffen oder layen daz alsa ewichlich von uns stat pelib daz loben wir in mit unsern trewen, und daruber geben wir den offen prief besygelten mit meins vorbenanten Rugerz von Hlumbrechtzried anhangenden insygel. und ze ainer pezzer sicherhait mit der erberen lawt anhangenden insygel versygelten Wcychartz dez Puwren ze den zeiten schaffer ze Pernstain
RkJQdWJsaXNoZXIy MjQ4MjI2