hintz dem gotshaws ze Mánnse verricht haben gar und gänczleich auf ein gancz end nach erberger lawt rat mit dem hochwirdigen herren abbt Hainreich ze Mánnse mit der weschaiden, daz uns der vorge¬ nant herr und daz convent ir frewnt und all di iren ir frewntschaft und ir huld geben habent trewleich an alls gevär, daz sy umb die vorverschriben sach unser schaden unser leib noch unser güt nicht werfen schullen in chainer weys. Wir sichern auch die vorgenanten herren von Männse und all di iren hinwider umb oben verschriben sach, daz sy von uns und unsern nachkömen furbaz ewichleich sullen sicher sein trewleich an alz gevar und an arglist. ez sol auch Hert der Weigel sein hawsfraw und ir erben in derselben sicherhait sein und unser fudrung furbaz haben wann sy ir bedurffen, oder wer auf dem vorgenanten gût sàzz von iren wegen. wir verichen auch mer, ob wir umb allez daz oben verschriben ist furbaz chainerlay chrieg oder ansprach suchten und daz indert uberfuren dez uns daz vor genant gotshaws ze Männse überweisen möcht mit zwayn erbergen mannen den ze gelauben war, so sullen wir furbaz übersagt lawt sein, daz wir weder freyung noch stet vest noch chains fritz nicht sullen genyessen, dann alz verr di vorgenanten herren ir genad weist. Der sach sind taidinger gewesen herr Alhart der Lewbolfinger ze Ekkenmul trugsázz in Bayern, herr Albrecht der Nothaft von Egloshaim und Chunrad der schreiber von Pladling, Hillprant der Werttinger, Ott der chelner von Mannse und ander erberg lawt genueg. Daz in daz allez stät gancz und unzebrochen beleib, darüber ze einem warn urchund geben wir in disen brief under der erbergen herren insigel hern Alhartz von Lewbolfing trugsazz in Bayern und under hern Hainreichs dez Nothafcz von Wernberch und under hern Albrecht dez jungen Nothaft insigel, die irew insigel an den brief gelegt habent durch unser vleissigen pet zw einer gedächtnuss in an schaden, darunder wir uns verpinden mit unsern trewen, allez daz stàt ze haben und volfuren, daz oben verschriben stet. Daz ist gesche¬ hen nach Christi gepurd drewzehen hundert jar darnach in dem ain und sechczkisten jar dez suntags in der vasten alz man singt Reminiscere. Aus einem Copialbuche des Klosters Mondsee aus dem 15. Jahrhundert.
RkJQdWJsaXNoZXIy MjQ4MjI2