und zeitiger vorbetrachtung durich vrides und gemaines niczs und auch gemachs willen unserr herschafte und aller unser undertanen fur uns und fur alle unser nachchomen bischofe ze Pazzawe verhaizzen und verlobt haben bei unsern trewen und mit worte unser furstlichen wirdicheit verhaizzen und verloben auch mit dem brif, das wir dem durchleuchtigen hochgeborn fürsten unserm gnadigen herren herren Ridolffen erczherczogen ze Osterreich ze Stijr und ze Kernden herren zû Chrayn auf der Windischen marich und ze Portenaw, grafe ze Habspurch zu Phirtte und zû Kiburch marichgraf ze Purgawe und lantgraf in Elsazzen und seinen hochgeborn brüdern unsern gnadigen herren Fridrichen Albrechten und Leupolten herczogen und herren der egenanten lande und allen iren eriben und nachchomen geholffen sein süllen und wellen füderlich und endlich mit aller unser macht zu allen iren eren wirden rechten und frûme wider aller manliche niemt auzgenomen wenne in des not geschiht und wir darumb von in gevordert und gemont werden an alles vercziehen, und das wir in auch alle unser vesten offen haben süllen zü allen iren und irr lande kriegen und nôten an gevärde. Wer aber daz jemt der uns angehoret wider die vorbenanten unser herren hercroge Rüdolffen sein brüder ir eriben oder ir nachchomen oder wider di iren iht tâtten, darumb sullen si uns ze red seczen und sullen wir denn von dem unsern minne und recht tun nach der gelegenheit der sache an gevard. Wolt aber der unser des wider sein und minne und rechtes vor uns nicht gehorsam sein, so sullen wit unsern vorgenanten herren, iren eriben und nachchomen aufdenselben geholffen sein als lang uncz daz er darumb gepezzert wirt. Und binden auch vestichliche zü den vorbeschriben gelübden und dingen alle unser nachchomen ewichliche. Mit ûrchûnde des brifs den wir darüber geben besigelt mit unserm anhangunden insigel, und wir Albrecht von Winchel tumprobst Gundakcher techant und das capitel gemainlich dez goczhaus ze Pazzawe vergehen und bechennen offenlich mit dem brief, das die vorgeschriben puntnûzze und gelubde mit unserm wizzenden willen und rate geschehen ist, und loben auch die stât ze haben fûr uns und alle unser nachchomen ewichliche, und ze sicherheit der sache haben wir unser insigel zu unsers egenanten herren bischof Golfrids ze Puzzawe insigel gehengt an den brief, der geben ist ze Wienne an montag vor unserr vrowen tag zder
RkJQdWJsaXNoZXIy MjQ4MjI2