666 den vorgenannten walichstampf und wis versetzzen verchauffen oder wie wirs verchumbern wollen waż man uns darauf leihen oder darumb gebent wolt, daz süllen wir in oder iren nachkömen chünd tün und anpieten, mainent sis darumb ze haben in derselben mazz daz sol stät sein vor allen laûten, und süllen uns daz altzeit wizzen lazzen nach dem anpot in den nachsten vir wochen; wolten oder mainten si es also nicht ze weriffen so mûgen wir anderstwo allen unsern frum domit handln wie wir wellen, aber in und iren nachkömen ungolten irr vorgenannten güllt wandel und rechten als ee belaüttert ist. Ez sol auch di handlung albeg geschehen mit irr oder irr nachkömen hannt gunst und willen hintz sölihen laüten davon si irr güllt wandel und rechten richtichleich sicher und järleich habund sein oder es hat anders nicht chraft noch fürganch dhains wegs. Wurden in aber di egenannten güllt und wandel jar und tag vertzogen so sein wir widerhent von unserm eribrecht des obgenannten walichstampfs und wis und von allen unsern rechten di wir daron haben ze rechter fürtzicht gevallen, also daz si sich ir nachkömen wann daz geschicht des egenannten walichstampfs und wis mit aller zugehörung under¬ winden hin lazzen oder selb inne haben mügen oder si habent gewalt daz sis verchauffent versetzzent machent und gebent wie oder wem si wellent, daz wir sew unser erben und freunt noch ander niemt von unsern wegen daron nicht engen noch irren süllen weder mit recht noch an recht in dhainer weis ungevärleich, mit urkünd des briefs der besigelt ist mit des ersamen Leuppoltz des Tûmair probst vor der Inprukk ze Pazzow anhangundem insigel daz er di weil von des probstambtz wegen het. und verpinden uns darunder mit unsern trewn stätichleich an alles gevär. Der sach sind zeugen her Janns pfarrer ze Lintz her Ulreich chuchenmaister Janns Engel burger ze Pazzow und mer erber laût. Der brief ist geben an sand Elzpeten tag nach Christes gepürd dreutzehen hundert jar und an dem drew und sybentzkistem jar. Orig., Perg., das Siegel fehlt. im königlich baierischen allgemeinen Reichsarchiv zu München.
RkJQdWJsaXNoZXIy MjQ4MjI2