665 nach in dem drew und sybenczkisten jar an der heiligen zwelifpoten tag sand Symons und Judas. Orig., Perg., mit zwei Siegeln; im ehemaligen Archiv von Garsten. DCLXIII. 1373. 19. November. — Ulrich von Schönpach erhält rom Domcapitel zu Passau den Walkerstampf und eine Wiese zu Oberhaibach als Erbrecht. Ich Ulreich von Schönpach ich Elzpet sein hausfrow und all unser erben verjehen offenleich mit dem brief, daz uns di ernwirdigen unser genädig herren her Johanns von Schärffenberch tumbrost her Herman techent und gemainleich di korherren des capitels ze Pazzow von genaden durch unserr gepet willen mit wolbedachten müt veraint¬ leich iren walichstampf ze Obernhaibach ein wis und waz dartzi gehört daz alles ir und irs capitels ledigs freis aigen ist mit allen ern rechten und nützzen redleich ingeantwurtt und ze eribrecht lazzen habent umb dritthalb pfunt ewiger gült di wir oder wer den egenannten walichstampf und wis fürbaz inne hat in und iren nach¬ kömen irem oberisten chellner in Bayern wer der ist oder wirt ant¬ wurtten von iren wegen in daz selb ambt järleich davon raichen und dienn süllen zu zwain zins tagen im jar, an sand Görgen abent und an sand Merteins abent zu yedem derselben zins tägen ainem zehen schilling wienner oder pazzower phenning güter und gäber an gevär. Wann aber in di güllt nach derselben zins zeit ainer oder mer wurden versezzen virtzehen tag, als offt get in je hinnach zu sambt den güllten darauf ze wandel sechtzk wienner oder pazzower phenning, auch mügen ir ambtlaût und diener di si dartzu schaffent wenn si nach den vertzogen tägen wellent darumb überal in dem vorgenannten walichstampf auf den grunnt zusperren und auf der wis pfennten und sich selb wern wie si wellent, als verr daz si der versezzen güllt und der vervallen wandel waz der dann ist oder wirt gentzleich bericht werden, des süllen si und di iren gein allen laüten ungolten beleiben ungevärleich. Sunder süllen wir oder wer den obgenannten walichstampf und wis künftichleich inne hat altzeit wesenleich gemachsamleich und nützleich legen so daz si albeg irr egenannten güllt wandel und rechten doselbs sicher habund sein. Auch wann ich obgenannter Ulreich von Schönpach mein hausfrow und unser erben
RkJQdWJsaXNoZXIy MjQ4MjI2