653 der Steyer in Stainpekcher pfarr und daz güetel genant an der Od gelegen zwischen den ważzern in Gärstner pfarr daz alles vreys aygen ist, und darzue ain wisen gelegen pey dem guet an dem Hochekk di lehen ist von dem herczogen, daz unser freunt Perchtolt der Ponhalm dem Got genade, hat lazzen Junusen seinem sun, daz wier durich notdurfft und nöttung von gelts schuld wegen hincz den juden diselben genanten vier güeter und wisen wolbedacht nach rat und mit beweisung unsrer nêgsten und pezsten freunt mit allen den eren rechten und nûczen so von alter durich recht dazue gehört haben gegeben ze chauffen dem erbern chnecht Symonn dem Eyten¬ perger seiner hausfrawen und seinen erben in ir nucz und gwer ledichleich umb ain gelt des wir von in gancz und gar gewert sein und verricht, damit wier und auch darzue mit anderm gelt haben abgolten und gelöst von Diernlein der jûdinn Lesyern des juden witiben ze Steyer, und geledigt von ir und von iren erben die prief all di sew von gelts schuld wegen gehabt habent von unserm vor¬ genanten freunt Perchtolden dem Ponhalm des êgenanten chindes Jansen vater, anders wêr daz selb chind Jans gar verdorben und von allem seinem väterleichen erib geschaiden, und ist daz geschehen in sólher maynung, daz daz selb chind Janns und sein erben mit¬ sampt uns und mit unsern erben fürbaz auf dieselben vier gueter und wisen dhain ansprach nicht mer haben schüllen in dhainen wegen mit fürzicht des gegenwürttigen priefs, und auch daz wier der selben güeter und wisen schüllen ir gewer sein für alle ansprach auf des selben chindes hab Jansens wo in des dürfft geschiecht nach dem lancz recht. Têten wier des nicht oder wàr daz getan daz dem obgenanten Symonn Eytenperger und seinen erben ichtes abgieng an der gewerschaft oder an desselben chindes hab Jansens Perchtolts sun mit recht, daz selb schüllen si haben auf uns und auf aller unser hab di wier haben wie so di genant ist, und davon bechômen waz si gesprechen mügen pey iren trewen an gevêr, des si schaden nêmen davon daz süllen wier in allez ablegen und gënczleich widercheren an alle widerred mit unserm güetlichen willen wier sein lembtig oder tod, daz wier und all unser erben dhain widerred nicht dakegen haben schüllen in dhainen wegen in der gewerschaft so vor hie stet an dem prief geschriben, den wir vorgenant Leutolt Stainrewtter Dietmar und Ulrich die Weczel geben zu ainem waren urchund der handlung versigelt mit unsern anhangunden insigel und bestêtt,
RkJQdWJsaXNoZXIy MjQ4MjI2