651 gar gewert und betzalt werdent. und daz schüllen si haben auf unsers vorgenanten gotshaws hab wo ez die hat versücht oder unversücht, daz si sich der wol mügent underwinden und undertziehen mit unserm gütleichen willen und haizzen mit reht oder an reht wie si verlust, alz lang untz daz si schadens und hawpgütz gäntzleich davon bechöment an allen iren geprechen. Ez ist auch getaydingt ob der vorgenant gotzdienst all wochen an dem mitichen und zû yeder quatemper an dem sampstag niht vollpracht würd alz oben ver¬ schriben ist, so schol ez unvertzogenleich geschehen an dem nächsten tag hin nach. und ob dez aber niht geschäch alz oft und alz manigen tag sich daz verget so habent der pfarrer und sein gesell alz oft zwelif pfenning abganges an dem obgenanten gelt der si an uns in dhaynerlay weis vordern noch müten schüllen. Ez ist auch ze merchen ob ain veyrtag an den mitichen geviel. alz oft daz geschäch so hat der pfarrer mit ayner messe gewert und auch ob ain veyrtag an den ampstag in der quatemper geviel, so schol dew vigilig und die messe vor oder nach an aym andern tag begangen und vollpracht werden und schol der pfarrer oder sein gesell den pfarrläwten chünden und mit in uberain werden dez nachsten sunntags vor der quatemper wochen. daż in und uns daż also ewichleich stat gantz und unzerbrochen beleib darumb zü aynem ewigen urchünd der worhait geben wir in den prief versigelt mit dez erbern manns Hainreich von Raytenpuech ze den zeiten richter ze Weylhart anhangunden insigel. darunder wir uns all unverschaidenleich verpinden mit unsern trewn an aydes stät an gevär stat ze haben ewichleich daz an dem prief verschriben ist. Der tayding sind zewg und taydinger gewesen herr Dyetreich ze den (zeiten?) pfarrer ze Newnkirchen her Puwls pfarrer von Hánttenperig Ott Rawhenperiger Hainreich vonn Städeln Chànrat Mayr auz dem holtz Rädel an dem kirchweg Asperl von Hofstet und ander erbär lawt genüg. Daz geschach do man zalt von Christi gepurt drewtzehen hundert und in dem drey und sibentzigistem jar dez erigtags in dem pfingstveiren. Orig., Perg., das Siegel in braunem Wachs lädirt; im königl. baierischen allgemeinen Reichsarchiv zu München.
RkJQdWJsaXNoZXIy MjQ4MjI2