649 gelegen in der Weng zenêgst dem werder pey dem Egelsé in Pehaimperger pfurr daz unser rechtlehen gewesen ist von dem ersamen mann Petrein dem Prehafen und von seinen erben, der die manschaft und aygenschafft die er darauff hat gehabt hat ledichleich durich Gots lieb willen und durich seiner und aller seiner vodern und aller gelaubigen selhail gegeben dem gotshaus dacz Gärsten, daz wier mit unserm güetleichen willen wolbedacht daz selb gue in der Wenge mit allen den nûtzen rechten und eren so dazue gehört alz wier ez haben inne gehabt, recht und redleich haben gegeben ze chawffen unserm gnêdigen herren abbt Niclasen ze Garsten und seinem gotshaus daselbs aus unsrer nucz und gewer ledichleich in die ier umb ain gelt des wier von im gar und gancz gewert sein und verricht so verr. daz wir furbaz nichtz mer auf daz selb guet ze sprechen von der selben lehenschaft haben schüllen oder sust weder wenig oder vil. Nu hat uns der egenant unser lieb heri abbt Niclas die besunder genad getan und hat uns daz selb vorgenant guet in der Weng herwider verlihen ze vreysecz und ain hausraum darauff gegeben in den rechten und gewonhait alz sein gotshaus hat von alter auf andern seinen güetern und grunnten in sogetaner maynung, daz wier im und seinem obgenanten gotshaus ze Gärsten von demselben vorgenanten guet in der Weng jerleich dienen schullen ain pfunt wienner pfening ze zwain tagen in dem jar. ain halb pfunt an sand Jorgen tag und ain halb pfunt an unsrer vrowen tag zu der dienst zeit unverczogenleich und nich mer, ez wêr dann alz vil daż ainer gewalt stewr an in oder an sein goczhaus begert wurd, von wem daz wer oder daz dem gotshaus von anderrlay not hilff durfft geschach wie so die genant wer, darinne schüllen wier im an alle widerred nach unserm vermügen mit ainer stewer geholffen sein und mitleydunt alz ander des gotshauzz holden von sölhen güetern. wêr auch daz wier unser hausraum auf dem selbigen guet durich unsrer notdurfft willen müezsten oder wolten verchumbern iz wer mit verseczen oder mit verchauffen, wann daz wêr daz schol geschehen mit unsrer herschafft dacz Garsten gunst und wizzen nach desselben goczhaus rechten und gewonhait. Darüber zu ainem urchund der worhait daz daz alles also beleib stêt und unverchert, geben wier ich obgenanter Wernhart und all mein erben den priet versigelt mit der zwayer erbern mann anhangunden insigeln Petreins des Hinterhollczer und Ulreichs des Pawzz, darunder wier uns mit
RkJQdWJsaXNoZXIy MjQ4MjI2