63 tun alz oft und alz verr untz daż si irs versezzen dienstz gewert werden, und wer in des geraten und geholfen ist oder wurt der oder die süllen dez nindert engelten. Wir schüllen auf dem oftgenanten hof lazzen ir molpfenning und totrecht und alleu irew gewöndliche recht alz si ez dacz andern irn mayrhofen habent. Wir schullen in auch den vorgenanten hof gein dem vogt verantwurten in und den irn an schaden, auch nur das vorgenant jar und wir in inne haben, und wann daz vorgenant jar auzchumt so schullen wir in den egenanten hof an aller stat nutzleich stiftleich und paewleich ligen lazzen und in auch dopei lażzen sam und arthew alz des hofs recht ist. Wir schullen in auch auz dem oft genanten irm hof und zehent nichtz verchumern versetzzen noch verchauffen an ir hant gunst und willen wir noch unser erben noch ander nyemand von unsern wegen schullen weder hintz in hintz irn vorgenanten hof noch hintz aller irr hab von dez selben hofs wegen nach dem egenanten jar chain an¬ sprach recht noch vodrung furbaz nimer haben noch gewinnen chlain noch groz. Sie mügen auch nach dem egenanten jar wol irn vorge¬ nanten hof vereriben oder ze pawmansrecht hin lazzen und allen irn frumen domit schaffen wie und wem sie wellent, und wem sie in lazzen der schol von uns chainerlay presten leiden mit worten noch mit werchen haimeleich noch offenleich. Und daz in die vorgenant satz handlung und gewerf staet allez ganz und unczebrochen beleib daz haben wir in gelobt mit unsern trewn an aydez stat gar trewelich an gevaer. Waer aber daz unser ainer welher der waer der in icht chriegs taet oder der sach verzûg an gevar, daz schol in der ander auzrichten an irn schaden und gepresten. Mit urchund diez priefs den wir in dorüber geben haben versigelten mit unser paider insigeln, der geben ist dez suntagz vor sand Vallteinstag dez heiligen martrer nach Christes gepurt drewtzehenhundert jar darnach in dem tzwai und sechtzkistem jar. Orig., Perg., die Siegel verloren; im königlich baeirischen allgemeinen Reichsarchiv zu München.
RkJQdWJsaXNoZXIy MjQ4MjI2