DEXXXIX. 1373. 17. April? — Friedrich der Nusperger und Andre der Hauzenperger verkaufen dem Frauenkloster Niedernburg ihren Wald im Land der Abbtei. Ich Fridreich der Nusperger und ich Andre der Hauczenperger unser hausfrown und all unser erben verjehen offenleich mit dem brief, daz wir mit wolbedachtem müt gesambter hannt nach unserr vreunt rat und andrer erber laût weisung unser holcz mit sambt dem grunnt do es auff stet daz uns von unsern zwain swehern Petern und Dictreichen den Wiczmanspergern säligen gelegen in dem land der abtej bei der chlosterfrawn ze Pazzow wald worden ist und stözzet an Lindenpüchter aigen und an Hauczenperger holcz, als wir es und unser vodern den Got genad in nûczz und in gewèr inne heten mit allen ern rechten und nûczzen di darczi gehörent oder davon bechömen mügen, genczleich und redleich ze chauffen haben geben den selben ernwirdigen frawn der techentinn der chelluerynn gemainleich dem convent und irem goczhaus des vrawuchlosters daez Pazzow ze Nidenburch und iren nachkömen umb ein sottan gelt das si uns mit beraiten pfenning gancz und gar verricht habent an allen schaden mit der beschaiden, daz wir und unser erben unser freunt und nachkômen noch ander niemt von unsern wegen dohin darauf dhain ansprach noch vodrung nimer haben noch nyndert gewinnen süllen weder mit recht noch an recht. Auch mugen si mit dem egenannten holez aller zugehörung iren frum handeln selb inne haben urlauben ab ze stahen zainczing oder mit ein, ander hin lazzen oder si mûgen es verseczen oder verchauffen machen und geben wie wenn oder wem si wellent an all irrung und widerred. Sunder haben wir in unverschaidenleich gelubt daz wir des vorgenannten holez daz wir in ze chauffen haben geben mit aller zugehörung ir gewer und fürstand wollen sein . . . Mit urkünd des briefs der besigelt ist mit unser beder Fridreichs des Nusperger und Andren des Hauczenperger anhangunden insigeln, darunder wir uns unser hausfrown und all unser erben mit unsern trewn verpinden an gevàr. Des sind zeugen Hiltprannt Apfoltersperger zu der zeit lantrichter in der aptei. Ortolf' Urleugsperger Christan Hauczenperger Mertein Vorster Niclo Pranntstéter und mer erher laüt. Daz ist geschehen am achten (?) tag vor sand Görgen tag nach
RkJQdWJsaXNoZXIy MjQ4MjI2