635 irew insigel durich unser fleizzig pet willen an den brief gehangen habent wann wir selb aygner insigel nicht enhaben. Geben nach Kristes gepürd drewczehenhundert jar darnach in dem drew und sibentzkisten jar an sand Gregori tag des heiligen pabst. Prompt. Reichersperg Fol. 180). DCXXXVI. 1373. 24. März. — Chunrat im Tal kauft von Hlans dem Schreiber Zehente zu Niedertobel, Praussen, Weg, Potenhofen und Eitzing, die Erbrecht vom Dom¬ capitel zu Passau sind. Ich Chunrat im Tal mein hausfrow und all unser erben ver¬ jehen offenlich mit dem brief, daz wir mit der ernwirdigen unserr genädigen herren gemainleich der korherren des guntzen capitels ze Pazzow gunst und willen von Hannsen dem Schreiber seiner hausfrown und von iren eriben den zehent als der hernach geschriben stet, bei dem ersten zwai zehenthaus auf den güten datz Nyderntobel und ze Prawssen und datz Weg auf ainem güt und datz Potenhofen auf ainem güt und datz Awötzing auf aynem güt, mit allen eren und rechten als in der vorgenant Hanns sein hausfrow und ir eriben selb von unsern obgenanten herren und von irem capitel ze eribrecht heten redleich gechaufft haben umb ein gelt dez si von uns gewert sind, mit der beschaiden daz wir oder wer den zehent fürbaz innhat sullen denselben unsern herren und iren nachkomen all jar irem öberisten chellner in Bayern wer der ist oder wirt von iren wegen sechtzk guter wienner phennyng davon an allen abganch und an alls vertziehen an sand Merteins tag raichen und dienen in irs chellner haymwesen an gevàr. Wâr aber daz wir in der pfennyng dyenstes nicht gäben auf denselben tag. wann sich daz virtzehen tag vertzeucht als offt gent ze wandel darauf dreizzk wienner phennyng; vertzugen sich die wandel und der dienst jar und tag so sein wir gevallen von allen unsern rechten und ist in dann der zehent gar und gantz ledig an allen chrig und widerred. Wir sullen auch den zehent weder ver¬ setzzen verchauffen noch in dhainer weis verchumbern an ir willen und gunst, anders hat ez nicht chraft noch fürganch. Mit urchünd des briefs der besigelt ist mit der erbern zwair Hannsen des Pirichinger ron Sigharting und Hainreich des Rokcholfinger anhangunden
RkJQdWJsaXNoZXIy MjQ4MjI2