1362. 6. Februar. — Clrich der P'lum von Teuffenthal verkauft an Kolman den Plesberger 81 Schilliny Pfenning Gülten zu Engelmansprunn auf behausten Gütern und Ueberländen. Ich Ulreich der Pluem von Teuffental und all mein erben wier vergehen, daz wier verchauft haben unsers rechten lehens daz wier ze lehen gehabt haben von dem edeln erbern herren hern Fridreichen von Winchel newuthalben schilling wienner phenning geltz, die gelegen sind ze Engelmarsprunn, auf behawstem güt segs schilling und vier wienner phenning geltz di do dient Hainreich der Mulner. dreu schilling von ainer mûl, und von ainer hoftat zenahst dem Veirtag, und Górig der Sneider fumftzk phenning von ainer hofstat zenast dem Mülner, und Peter der Man vier und viertzk phenning von ainer hofstat zenast Micheln dem Majj, und die andern ligent auf uberlend der do dient die Rismanijnn von Dórflein und ier tochter dreizk phenning an drey helbling von drin jewch achers, und der Hummel von Dorflein zehen phenning an ain helbling von ainem jewch, und Fridreich der Fullenstich zehen phenning von ainem jewch und Chunrat Farfler acht phenning von ainem jewch, und Chünigunt Herwortinn fumf phenning von ainem jewch, und Frid¬ reich Leitgeb von Pirbawm zehen phenning von ainem jewch und Peter der Man vier phenning von ainem halben jewch, daz man alles dient am sand Görigen tag. Die vorgenanten gülte allew hab wier recht und redleich ze chaufen geben mit allen den nuczen und rechten und darzü gehört umb achthalb phunt wienner phenning der wier gancz und gar verricht und gewert sein dem erbern chnecht Chol¬ mann den Plesperger und Agnesen sciner hawsvrawn und ier paider erben, daz sew damit allen iren frum sullen schaffen. Daz der chauf also stet und unczebrochen beleib, daruber gib ich egenanter Ulreich der Pluem von Teuff'ental dem egenanten Cholmann dem Plesperger und Agnesen seiner hawsvrawn und ier paider erben den prief versigelten mit meim insigel, und der sach ist zeug der egenant edel erber herr her Fridreich von Winchel der dez gütz rechter chenherren ist, und der erber chnecht Andre der Lympriczer mit iren insigeln. Der prief ist geben nach Christi gepürd drewczehen-
RkJQdWJsaXNoZXIy MjQ4MjI2