626 DCXXIV. 1372. 21. December. — Abbt Heinrich von Gleink verkauft an Michael, Bürger zu Joching einen Weingarten. Ich apt Heinreich von Gôtes gnaden dez chlosters Gleünch vergich, das ich mit wolbedachtem muet und mit meins goventz guetem willen ze chauffen geben han dem erbern Mycheln purger ze Jeuching und Annen seiner hausvrown und allen irren erben unsern weingarten gelegen auf der Steinwant pey dez von Tyerna weingarten mit allen den rechten und nuetzen und darzue gehöret, um dreu und zwaitzk phunt phening wyenner muntz der wir von in gantz und gar gericht und gewert sein ze rechten tegen an all scheden, davon man geit ze pürchrecht an sand Mychels tag in Wolfleins Vólgers lehen ze Püchel zehen phening wyenner müntz und nicht mer . . . Das der chauf stet und untzebrochen peleib darum gib ich obgenanter apt Hainreich in den prief versigelt mit meim aygen anhangunden insygel zue aim offen ürchunt der warhait. Der priel ist geben do man zalt nach Christes gepürd dreutzehen hundert jar darnach in dem zwai und sybentzkisten jar an sand Thomans tag des heyligen zwelfpoten vor weinachten. Urkundenbuch von Kremsmünster Nr. 239. 1 DCXXV. 1372. 22. December. Wien. — Herzog Albrecht verbietet dem Mauthner Gegen¬ schreiber und Zahler zu Linz neben den Bürgern Handel zu treihen. Wir Albrecht von Gotes gnaden herczog ze Osterreich ze Steyr ze Kernden und ze Krain graf ze Tyrol etc. embieten unsern getrewn Wernczlein unserm mautter dem gegenschreiber und dem zaler ze Lincz unser gnad und allez gût. Wir emphelhen ew und wellen gar ernstlich, daz ir mit unsern purgern ze Lincz in der stat chain arbait treibet noch tût alle die weile und ir unser amptleut da seit wan wir das génczlich also mainen und wellen. Geben ze Wienn an mittichen nach Thome apostoli anno etc. Ixxij. Dominus dux et consilium. Orig. im Stadtarchiv zu Linz. — Papier mit rückwärts aufgedrücktem Siegel.
RkJQdWJsaXNoZXIy MjQ4MjI2