623 DCXXI. Niclas, Abbt ron Garsten, compromittirt in 1372. 13. December. Steyr. seinem Streite mit Hartneid von Losenstein wegen des von diesem dem Kloster zugefügten Brandschadens auf einen schiedsrichterlichen Spruch. Wir Niclas von Gots gnaden abbt ze Gärsten verjehen, umb die züesprüchh di wir haben hincz hern Hërtncyden von Losenstain von der schêden wegen di er uns und unserm gotshaus mit prannt getan hat, daz wir umb dieselben zuesprüchh und schêden hinder in gegangen sein also beschaidenleich, daz wir im nach rat und auch mit seinem guetlichen willen zuegeschafft haben die drey erber herren hern Albern von Ottenstain puregraf ze Steyer hern Jórgen von Folkchensdorf hern Fridrich pfarrer ze Steyr, daz er nach der¬ selben dreyr herren rat und beweisung umb die selben schêden scho sprechhen damit uns und unserm gotshaus abgelegt werd von im und widergechert, und waz er spricht nach derselbigen dreyer herren rat und beweisung denselben spruch wellen und schullen wir im stät haben an alle widerred. Têten wir des nicht so schol er von uns und von unserm egenanten gotshaus ze Gersten ledig und los sein gancz und gar aller der schêden di uns von im sind mit pranntt wider¬ varen, und schullen darzue unsers gotshauzz vogt vervallen sein funt hundert pfunt wienner pfening und schüllen wir auch hincz dem vor¬ genanten hern Hertneyden von Losenstain und hincz seinen erben darnach dhainerlay ansprach umb den selben pranntt und schaeden fürbaz nicht mer haben in dhainen wegen. mit urchund des gegen¬ württigen priefs der bestätt ist mit unserm anhangunden insigel, und des sind zeug mit iren insigeln her Ruedolf von Losenstain und Hainrich der Chersperger. Und ist daz geschehen ze Steyr nach Christs gepürd uber dreutzehenhundert jar und in dem zway und sibenczkisten jar an sand Luceyn tag. Orig., Perg., mit drei Hängesiegeln von gelbem Wachs; Schlossarchiv Losensteinleiten.
RkJQdWJsaXNoZXIy MjQ4MjI2