622 e genanten weingarten nicht rechtleich pawten alz varbenant ist daz zwen erber gemayn mann dew zu weingart paw wol chünnen die wir paidenthalben dorzu nemen dew in alle jar var dem lesen beschaun schullen, pei iren treun an gewaer und an allez recht gesprechen mügen daz wir den nicht rechtleich gepawt hieten, waz danne die obgenanten geistleichen herren ze Chremsmunster dez unpaws an dem weingarten schaden genomen habent, den selben schaden schullen wir in gar und gantzleichen ablegen und wider¬ chern, daz luben wir in ze leisten mit unsern treun an aydestat und und an allez gevaer, und schullen auch daz allez haben auf uns allen ab ainem auf daz ander und dez bechomen mit unserm guten willen an fürbot und an allez recht von allem unserm guet. Waer aber daz ain pysezz in den weingarten chàem von gefruer oder von schaewren, welches jars daz waer dez Got nicht engeb. daz schol auch gesten an den zwain erbern gemayn mann dew den weingarten beschaunt daz man uns dez selben jars dor inne begnade und bedenchk, und waż die uber sprechent an paiden tailn, do schol ez pei beleiben. Und wenne auch daz ist daz ich obgenanter Nyclo der Ractelperger und ich Margret sein hausfrow und ich Anna ir tochter mit dem tode abgen und unser dhains mer lebt, so schol der vargenant wein¬ garten den gaestleichen herren ze Chremsmunster aller dinge ledich sein an alle ansprach, ez waer danne daz der mensch der under uns drin ze lest abget abgieng zu der zeit daz ez daz erst paw oder mer in den weingarten gelegt hiet, so schullen sich denne dez selben nachst erben dez weingarten unterwinden und den daz selb jar fur sich auz inne haben und paun in den rechten alz vorgeschriben stet, und nach demselben jar so schol danne der oftgenant weingarten den geistleichen herren aller dinge ledichk sein an alle widerrede und an alle ansprach. Und daz die sach furbaz also staet und untzerbrochen weleib, und wand wir selb nicht aigens insigil enhaben, der uber ze einem warn sichtigen urchunde geben wir in den brief versigilt mit dez obgenanten perchherren insigil Peter Püchleins ze Tulu und mit der erbern zwair mann insigil Jacobs dez alten sluzzter sûn die zeit statrichter ze Neunburch, und Fridreichs dez Zistel die zeit sluzzler und judenrichter ze Neunburch. Der brief ist geben nach Christi gepurde dreutzehen hundert jar dornach in dem zway und sybentzigisten jar dez samtztages var sand Lutzeyn tag. Urkundenbuch von Kremsmünster Nr. 258.
RkJQdWJsaXNoZXIy MjQ4MjI2