DCXVIII. 1372. 5. December. Wien. — Herzog Albrecht III. von Oesterreich bestätigt das Diplom Herzog Rudolfs 1V. ddo. Wien am 5. April 1362 über das Fischwaid¬ recht des Klosters Lambach auf der Traun, Ager ete. WIER Albrecht von Gotes gnaden hertzog ze Ostereich ze Steyr ze Kernden und ze Krayn herr auf der Windischen Marich und ze Portnaw graf ze Habspurg ze Tyrol ze Phirt und ze Kyburg marichgraf ze Purgow und lantgraf in Elsazze bechennen und tün chunt offenlich mit disem brief allen den die in sehent hörent oder lesent nu oder hienach, daz der erber und geistlich unser lieber andechtiger .. der abt ze Lambach sand Benedicten orden in Pazzawer bistum für uns chôme und bat uns demütichlich und gar fleizzichlich, daz wier im und demselben seinem gotzhaus ze Lambach von besundern gnaden bestêtten und vernewen gerüchten ein hant¬ fest, die in seliger gedechtnusse Kayser Fridreich von Rom gegeben hiet umb ein vischwayd in der Trawn, und dieselb hantfest in ouch weilent unser lieber brüder hertzog Ruodolf dem Got genad mit seiner offenn hantfest besigelt mit seinem grozzen anhangenden insigel bestett hiet alz si von wort ze wort hienach geschriben stet. Wier Rùdolf der vierd von Gots gnaden hertzog ze Osterreich ete. (siehe 5. April 1362. oben pag. 72 Nr. LXIX). Und wan wier alle zeit nachvolger sein aller unsrer vorvordern und dartzû auch angesehen haben den steten und entzigen dienst Gottes den dieselben geistlichen lewte daselbs ze Lambach habent, und haben in darumb und auch lautterlich durch Got und durch aller unsrer vorvorn und nachchômen selen trost und hailes willen dieselben hantfest vernewet bestettet und bewêret, vernewen bestetten und bewêren die ouch mit allen den punden und artikeln alz si von wort ze wort da oben geschriben stet. Davon gebieten wier allen unsern lantherren rittern und knechten purggrafen richtern vögten amptleuten und allen andern unsern undertanen gegenwurtigen und chunftigen und wellen gar ernstlich, daz si die vorgenanten herren und das kloster ze Lambach vestichlichen darauf halten und schirmen an unsrer stat. wo und swene si des bedurffen und an si vordern und begeren und in wider die vorgenant unser bestettigung chain ierrung noch beswerung tün noch yeman ander gestatten ze tun in dhainen weg. Mit urchund
RkJQdWJsaXNoZXIy MjQ4MjI2