617 ungelt ze Strazwalhen verschreiben und vermachen in aller der mażze und weyse und nach der punt und artikel sag die ier vorderr brief lawtent di si von uns habent uber die herschaft und vestt Wildenek und uber den zoll ze Straswalhen. Und ob daz wär daz wir jemand mêr brief der weysung auf den ob verschriben ungelt geben hieten oder noch gaben von vergezzens wegen oder von welher¬ lay sachen daz war daz yemant erdenkchen künd oder ervinden möcht, daz sol wider den brief dhain chraft nicht haben und in an dem obverschriben ungelt dhainen schaden nicht bringen. War auch daż der obgenant ungelt ze Strazwalhen verirret würde, von wie¬ getanen sachen daz wer daz man unserm vorgenanten swager den selben ungelt zu Straswalhen da nicht in genêmen möcht, so sol und mag er mit unserm guetlichem willen den ungelt wol innêmen oder innêmen lazzen in unserm land oder in sein selbs herschefften, wo und an welhen steten iem daz aller füglich und nuczleichist ist, und wolt man im oder den sein die er dar an schaffet daz jemant irren oder widersein, so sullen wir im mit uns selben und mit unser land und lewtten alz oft in dez not geschiecht und er uns auch dez ermont mit seinen brifen geholffen sein alz vil und als offt untz in der vor¬ benant ungelt wider richtig wird. Wir vertrosten und versprechen für unsern liben sun und prueder herczog Hansen, daz er die obge¬ schriben sach alle alz si an dem brief begriffen ist mit sampt uns stêt haltet trewlich an allez geferd, und schullen und wellen auch dez dem egenanten unserm swager und seinen erben herczog Hansen brief darüber gewinnen an allen iren schaden und gepresten. Die obverschriben sache alle die an dem brief begriffen ist loben wir in mit unsern furstleichen eren und trewn trewlich stêt ze haben und zu volfurn an allez gewêr; und wer auch den brif inne hat mit irem gütlichem willen, der hat alle die recht die vor an dem brief geschriben stêt. Und daruber zu einem urchund geben wir in den brief mit unsern anhangunden insigeln versigelten, der geben ist zu Burchhawsen am freytag vor sand Mertens tag. do man tzalt von Cristi gepórd drêwtzehen hundert jar und darnach in dem zway und sybenczkisten jare. Orig.. Perg., die ersten zwei Siegel in rothem Wachs, das dritte verloren; im fürstlichen Archiv zu Eferding.
RkJQdWJsaXNoZXIy MjQ4MjI2