610 DCX. 1372. 12. October. Wien. — Herzog Albrecht von Oesterreich erlaubt den Klosterfrauen zu Schlierbach, jährlich 20 Fuder Weins und 20 Mut Weizen mauthfrei auf Wasser und über Land zu führen. Wier Albrecht von Gots gnaden hertzog ze Osterreich ze Steyr ze Kernden und ze Krayn graf von Tyrol etc. bekennen und tün künt offenlich mit disem brief, das wier mit pilleicher erchant¬ nuzze betrachtet und angeschen haben, das unser wirde und selichait gehohet und gemeret wiert wenn wir geistleicher leute die zû Gotes dienst sunderlich geordent sind frumen und gemache schiken. Darumb durich Got lautterlich und durch merung seins dienstes und auch ze trost und hilff unser und aller unsrer vorvordern und nachkömen selen haben wir den erbern geystlichen ,. unsern lieben andechtigen .. der abtessinne und dem convent des klosters ze Stierbach grabes ordens in Pazzawer pistum das weilent unser getrewr lieber Eberhart von Walse von Lintz gestift und gewidemt hat, die gnad getan und tun auch wizzenlich mit kraft ditz briefs für uns unsern lieben bruder hertzog Leupolten und all unser erben und nachkômen, daz man in jerichlich zů ierr notdůrft hinauf in ier klostèr zwaintzig füder weins und zwaintzig mutt waitz auf ważzer und uber lande furen und vêr¬ tigen mag ane mautt ane zol und an alle ierrung und hindernusse welicher zeit in dem jar in das allèr fuegleichist ist anne alles gevêr Davon gebietten wier allen unsern lantherren houbtleuten rittern und knechten mauttern zolnern purgrafen richtern und allen andern unsern amptleuten und undertanen, daz si di vorgenanten frawen ze Stierbach bey diser unsrer gnad beleiben lazzen und in daran kain ierrung noch hindernuzze tun noch yeman anders gestatten ze tun, sunder daz si dieselben klosterfrawn und ier kloster dabey halten und schirmen vestichlich von unsern wegen. Und darüber ze urchund sicherhait und ewiger getzeugnuzze hiezzen wier unser insigel henken an disen brief. Dèr geben ist ze Wienn an eritag vor sand Cholmans tag nach Kristes gepürd dreutzehenhundert jar und darnach in dem zwai und sibentzigistem jare. Gleichzeitiges Copialbuch, Perg. im Klosterarchiv zu Schlierbach.
RkJQdWJsaXNoZXIy MjQ4MjI2