607 DCVI. 1372. 17. September. — Abbt und Courent zu Baumgartenberg versprechen den gestiftten Jahrtag für Ctrich Ochstein, Bürger zu Freistadt genau zu halten. Wier abt Jans und der convent gemain ze Paumgartenperg verjehen, daz uns der erber chnecht Michel Ulrich dez Ochslein reter dem Gott genad und die erben gemain geben habent zway und dreizik phuut phenning der hab die er lazzen hat. und habent uns die geben durich seiner sel hail willen und auch in und allen ieri vodern selen ze trost mit der weschayden, daz wier zway phunt ewiges gelez darumb schullen chauffen in unser pitanczamt. Nu haben wier in auzczaigt zway phunt gelez unsers vreyn aygens newn schilling gelez am Czeissenperg pey der Freinstat, fumf schilling von dez Sailer lehen und fumezk phenning von ainem akher haizt der Chindakcher und sind paide gelegen ze Obern Czierknarn in Rieder pharr. Den gelt schol unser pitanczer all jar invessen und schol den herren in daz refent davon jærleich geben an sand Pauls lag also wier in pegen mit der gedechnuzz dez andern tages nach sand Petern tag ain mal visch wein und semel alz gwodleich (sic) ist in unserm chloster, und sullen auch wier in darumb jærleich ain jartag begen an dem vorbenanten tag mit allen sachen alz wier gwonhait haben in unserm chloster und in unserm orden alz man andern erbern lawten beget. Wer awer daz wier den jartag jerleich nicht wegigen (sic) und dem convent daz mal nicht gaben alz oben weschriben stet. zehant so schol sich der vorgenant Michet und die andern erben wer den prief innhat der vorbenanten gûter underwinden und schol den dienst davan innemen alz lang, uncz daz die saumchait mit einer gebizzen wider van uns gepessert werd. so ist unser pitanczer der gult wider ledig alz vor. Dez ze urchund geben wier i den offen prief besiglt mit unser payder anhangunden insigeln. Der ist geben nach Christi gepurd dreuczehenhundert jar darnach in dem zway und sybenezkisten jar an sand Lamberti tag. Orig.. Perg., mit dem noch daran hängenden Conventsiegel: Stadtarchiv Freistadt.
RkJQdWJsaXNoZXIy MjQ4MjI2