599 maister hie ze Pazzawe Ulrich der Waser Ortolf von Ybs der Engelschalich und der Swab Chunrat von Firstenekk Chunrat Peylhekch und Ulrich der Waldner und ander erber laut. Der brief ist geben an sant Achatij abent do man zalt von Christes gepurtt dreutzechen hundert jar und in dem zway und sibentzkistem jar. Orig.. Perg., das Siegel verloren; im frstlichen Archiv zu Eferding. DXCVII. 1372. 4. Juli. — Abrecht der Stadler hat vom Propst zu St. Florian den 1lo. die Sölde und die Mühle zu Hôflein in der Wartberger Pfarre zu Leibgeding erhalten. Ich Albrecht der Stadler vergich offenleich mit dem prief, daz mier der erber gaistleich herr probst Weygand datz sand Florian verlichen hat alain ze meinen tegen und nicht lenger den hof datz Höftein und die seld darzû und di mûl under dem Wartperg, daz alz gelegen ist in der pharr ze Wartperg und gehort zù dem gotshaus hinz sand Florian also beschaidenleich. daz ich ez pawleich und stiftleich legen schol und inn haben, und wen ich darauf setz dem han ich daz recht ze geben als ander holden habent auf iern gutern des gotshaus von sand Florian. Man schol auch alle jar von den egenanten gûtern dem probst dienen von dem hof dreizzik von der mûl drei schilling gebiger wienner pfenning an unser vrawen tag zder dienstzeit. Und wan ich abgen mit dem tôd, so ist der hof seld und mul gentzleich ledig worden dem gotshaus datz sand Florian wie ez den leit und erfunden wiert. und wer denn di gûter inn hat der schol sew besten von dem probst und schol mein hausfraw noch erben oder frewnt dhain ansprach noch rechtz zu den gûtern haben oder gehen, daz lub ich allez stet zehalden pey meinen trewn an alz gever. Wurd aber daruber des icht ubervaren daz vor verschriben ist, so pin ich gevallen von meinem recht daz ich gehabt han an den gutern also, daz sich ier der probst underwinden mag und seinen frum damit schaffen wie er wil und schol mein gût will sein. Daz di wandlung also stet beleib daruber gib ich den prief versigelten mit meinem und meiner pruder anhangunden insigeln Eberharts und Reimbarts di mit mier verhaizzent, und ze pezzer sicherhait han ich gepeten hern Sigharten den Grûber und Fridreichen den Holzer
RkJQdWJsaXNoZXIy MjQ4MjI2