588 zins ze rechter zeit geben schol werden an alles verzichen und an gevâr. Geschàch dez nicht so schol man mich oder meiner porgen ainen oder menigern darzû nôtten mit geystleichem oder mit werltleichem recht oder an recht bechomen schadens und hauptgûtz auf ważzer und auf lant von aller unserr hab. daz schol alles unser gut wille sein und schol nyemant dowider reden noch tûn. Dez ze einer bestaligung geb wier den brief versigelt mit unsern anhangunden insigeln dem gotshaus und den herren hintz sand Florian. Daz ist geschehen über Christi gepurd dreutzehen hundert jar darnach in dem zwai und sibentzkistem jar an sand Jorgen tag. Pergamentcodex Cl" Fol. 110a im Stiftsarchiv zu St. Florian. DLXXXVI. 1372. 24. April. — Die Gebrüder Granss verkaufen dem Abbt von Raitenhastach mehrere Gûter und Gûlten zu Wanestorf, Grainpach, Ostermiething und Ruckerspach. Ich Chunrat ich Ulrich und ich Ott gebrûder die Granzzen unser hausfrawn und all unser erben verjechen, daz wir ze chawffen geben han auf einen widerchauf dem erbern hern Seyfriden abbt ze Raitenhastach dem convent und dem gotzhauz daselb unsereu gut und gult di hernach geschriben stent: pey dem ersten Wanestorj den Nydernhof' und ain jauch daselbs, Grainpach den hof. ze Ostermiething ain hüb und daselbs ein mûl. ze Rucherspach den hof. umb sechs und achtzig pfunt wienner pfenning mit allen den rechten eren und nutzen di darzu gehornt, daz si di nyezzen sullen mit den nutzen und diensten alz wir di selber inne gehabt gehandelt und genozzen haben. Wir wellen auch der vorgenanten gûter und gûlt i vertreter versprecher verantworter und gewern sein alz des landes und dez gerichtes in dem Weilhart recht ist da die gut inne ligent. Ez ist auch ze merchen wann wir chomen alle jar jerchleichen auf unser frawntag ze liechtmiss acht tag vor oder nach mit sechs und achtzig pfunt wienner pfenning di dann gib und gab sind, so sullen si uns di vorgenanten gut herwider ze chauffen geben an alle widerred und hindernuzz. Uud ob wir mit in oder si mit uns umb puncta und artijkeln ainen oder mer di an dem brief verschriben stent ze recht oder ze chrieg chumen dez war mit gaistleichem oder welt-
RkJQdWJsaXNoZXIy MjQ4MjI2