57 ben herscheft vest leut und güter unser recht lehenherren sind geweiht auf unsere gemaine lehen die herschaft vest und den markt ze Ort mit leuten gerichten gütern und allen andern nützen und rechten die darzû gchorent also, daz dieselb unser wirtinn gréfinn Ursel und ir erben darauf haben sûllen die egenanten fûnf tausent phunt wienner phenning, zway tausent phunt ze haimstewer und drew tausent phunt ze widerleg als haimstewr und widerlegung recht ist. Aber die sechs hundert phunt wienner phenning sol die obgenant unser wirtinn darauf haben als morgengab und landes recht ist ze Osterreich mit der beschaidenhait, daz die egenant unser wirtinn gréfinn Ursel und ir erben daselbs ze Ort jerlich als vil nûtz und gult innemmen als gen den egenanten funf tausent und sechs hundert phunden geburet, daz ist cze merken je von czehen phunden ain phunt geltes an allez gever, und ob wir und si mit einander leiberben sune oder tôchter gewinnen, darauf sûllen wenn wir abgen die ege¬ nanten funf tausent phunt gevallen, aber wenn wir oder die egenanten unser wirtin an leibeserben die wir mit ainander hieten abgen, so sullen die vorgenanten fünf tausent phunt gevallen auf uns oder auf die egenanten unser wirtinn welichs denn under uns daz ander uberlebt. Wenn aber dieselb person ouch abget, so sullen czway tausent phunt desselben gûtes erben und gevallen auf die obgenanten unser herren von Osterreich und ir erben und die drew tausend phunt sullen gevallen auf unser nachsten erben als pillich und recht ist. dann mit den sechs hundert phunden die wir der egenanten unsel wirtinn ze morgengab geben haben als da vor geschriben stat, mag si wol getun und schaffen waż si wil, und des ze urchunde geben wir vorgenanter graf Hainreich von Schawemberch diesen brief versigelten mit unserm und des obgenanten unsers bruders gra/ Ulrichs insigeln. Und wir graf Ulrich von Schawemberch bechennen und tun chunt, daz die obgeschriben weisung und tayding mit unserm willen und wizzen geschehen sind und daz wir daruber unser insige an disen brief gehenket haben; der geben ist ze Wienn an eritag nach dem heiligen prehentag nach Christes gepürt drewtzehen hundert jar darnach in dem zway und sechtzigisten jare. Orig.. Perg., im k. k. Hausarchive mit zwei hängenden Siegeln von rothem Wachs, welche beide den getheilten Schild und den Helm mit den zwei Hörnern enthalten.
RkJQdWJsaXNoZXIy MjQ4MjI2