572 DLXX. 1372. 7. Februar. — Elsbeth Hansen des Hosmundes Witwe stiftet zu Schlier¬ bach mit dem Weingarten im Eichwege zu Klosterneuburg gelegen zwei Jahrtäge. ICI Elispeth Hansen dez Hosmundes witib dem Got genad der weilent pirgermaister und mautter gewesen ist datz Pazzawe vergich. daz ich . .. meinen weingarten ze Neimbürg in Osterich chlosterhalben gelegen in dem Aychwege zenêhst Górigen weingarten dez Tûtzen dez ein gantzes jeûch ist, dovon man auch alle jar dient dem erwirdigen gaystlichen herren hern Hansen abplt ze Puumgartenperg seim covent und allen iren nachkomen drey emmer weins in dem lesen ze rechtem perkchrecht und sehs wienner pfenning ze voytrecht, gegeben und gemacht han der erwirdigen gaystlichen frawen vrawn Kathrein abptessynn ze Styerbach graes ordens genant cysterciensis, irem covent und allen iren nachkomen also. daz si den egenanten weingarten furbaz innchaben sullen an mein und aller leût irrsal. sein schol aber der vorgenant abptt sein covent und alle ir nachkomen an iren rehten niht engelten und alle handlung schol geschehen mit hant dez obgenanten herren hern Hansen abpt ze Paumgartenperg und aller seiner nachkomen an gever. Und ze pezzrer sicherhait han ich mit dez offtgenanten abptz hern Hansen hant recht und redlich furtzicht getan und aufgeben der vorgenanten abptessynn irem covent und allen iren nachkomen ledichlich und freilich ze haben, doch unverzigen der rechten dez obgenanten abptes seins coventz und aller ir nachkomen. Ich han auch den obgenanten weingarten gegeben dem egenanten golzhaus ze Styerbach, daz si von dez selben gotzhaus habe alle jar jerklich und hinfur ewichlich raichen sullen zway pfunt alter wienner pfenning zu den zwain jartègen die hernach genant sint, und die selben pfenning süllen halb gevallen in daz siechhaïs und halb in die pitantze darumb derselb covent die zwen jartèg alle jar begen schüllen yglichem besunder mit eim pfunt pfenning nach dez ordens rechter gewonhait. Den ersten jartag schüllen si begen an sand Affre tag ze trost meins vorgenanten wirtes sele, den andern in crastino Marci ewangeliste in meiner und meiner lieben mûter Elispeten der Speherinn seliger gedechtnzz. Und umb die jartèg
RkJQdWJsaXNoZXIy MjQ4MjI2