covent und nachkomen ledichlich und freilich ze haben und allen iren frúm domit ze schaffen als vorgeschriben stet, unverzigen dez perkchherren rechten und aller seiner criben. Ich han auch den obgenanten weingarten gegeben dem egenanten gotzhaus ze Styerbach, daz si von ires gotzhaus habe alle jar jerklich ewichlich raichen schullen zwai pfunt allter wienner pfenning zu den zwain jartêgen die hernach genant sint, und die selben pfenning schüllen halbe gevallen in daz siechhaus und halb in die pitantz, darumb derselb covent die zwen jartèg alle jar jerklich begen schüllen yglichem besünder mit eim pfúnt pfenning nach dez ordens rechter gewonhait, den ersten jartag schüllen si begen an der zwaier marterer tag Crispini und Crispiniani ze hilfe meins vater sele Merteins des Spehér den andern jartag an der heiligen junkfrawn tag sand Agathe in der gedechtnuzz meins capplans her Golfrides, und umb die jarteg paid ze volfuren haben si mir verhaizzen mit iren trewen an alles gever. Si schüllen mir auch laisten die geding und artikel die ich von meins leibgedings und von andrer sach wegen han ausgenomen nach sag der prief die ich darumb von in innehan. Und daz die rede fürbaz stêt und unzebrochen beleib darüber zu aim waren sichtigen und ewigen urchund diser sache so gib ich obgenante Elsbeth dem vorgenanten gotzhaus ze Slierbach disen gegenwurtigen prief ver¬ sigelten mit dez vorgenanten edeln herren insigel hern Eberhartz von Cappellu mit dez hant daz gemêcht geschehen ist, und auch mit dez vesten ritter insigel meins lieben oheims hern Andre dez Haunsperger und auch mit Rügers insigel von Hümbrechtzried die zeit lantrichter ze Slierbach, under den insigeln allen ich mich verpintt mit meinen trewen an aydes stat alles daz stêt ze haben daz vor an dem prief geschriben stet wann ich selber aygens insigels nicht enhan. Der prief ist geben do man zalt nach Christes gepúrtt drewzehenhundert jar und darnach in dem zwaiundsibentzigstem jare dez samztags nach unser frawen tag ze liechtmezz. Orig., Perg., mit drei hängenden Siegeln; im Klosterarchiv zu Schlierbach.
RkJQdWJsaXNoZXIy MjQ4MjI2