569 beswêret. Den ersten jartag schüll wir begen an der zwair martrêr tag Crispini und Chrispiniani in der gedêchtnüzz irs vater sele Merteins dez Spchérs von Salczburg, den andern an der heiligen junkfrawen tag sand Agathe irem capplan hern Götfriden, den dritten an sand Affre tag ze trost irs vorgenanten wirtes sel und den vierden an dem nêhsten tag nach sand Marci tag dez ewangelisten ze hilf irr und irr vorgenanten mûter sel, und umb die selben jartèg haben wir ir fur uns und all unser nachkomen verhaizzen mit unsern trewen, und ze den vorgenanten têgen schullen wir unserm covent die vier pfunt pfening geben als vor begriffen ist an alles gever. Ez ist auch mit worten ausgenomen, daz wir und unser nachkomen die vorgenanten zwen weingèrten niht verchauffen mugen noch in dhein weiz verchumern die weil wir und unser vorgenantes chloster von dem heyligen stul ze Rom und von unsern stifftherren den von Waltse niht bestegt (sic) und ausgericht werden, und ob ez abgieng dez Got niht henge, so schullen die zwen weingerten nachfolgen den zwain junkfrawen Diemûten dez Holfûzzes tachter und Margareten Merteins dez Spehers tachter die wir durch Got herein zu uns in den orden genomen haben und mit den in ein ander chloster darein in denen füglich ze varen ist gefüdert und gevertigt werden, und daz schol geschehen mit hilf der abtessynn und mit zwain erwern die der vorgenanten junkfrawen nest freunt sint die daz tun schullen leutterlich durch Got. Würd aber daz offtgenant chloster erst nach der zwair junkfraun tod zestôret so schullen die egenanten zwen weingërten gevallen an die zway siechenspital ze Salczburg und ze Pazzawe, der ai weingart in der Ziegelgrub gelegen schol volgen dem spital ze Salezbùrg dann der ander an dem Aichwege schol gevallen an daz spital ze Pazzawe am Rindermarkt, und die spitaler der selben spital schüllen sich der egenanten weingèrten dann underwinden und vollen gewalt haben domit ze tûn nach der spital nucz waz si wellen, und daz schol geschehen an unsrer unser nachkomen und aller unsrer stifftherren ansprach und widerred. Und ze einem waren urchunt geben wir den prief mit unserm und unsers coventz insigeln und mit der erwern herren hern Michahels abptes ze Gocztal und seins coventz insigeln versigelt. Und ich Jórig von Walise hern Eberharts von Waltse séligen sun der der vorgenanten chloster erster stifter gewesen ist vergich an dem prief. daz die vor¬ geschriben sache mit meim und meiner nêhsten freunt rat und willen
RkJQdWJsaXNoZXIy MjQ4MjI2