dem diensttag nicht mer, und wer daz sich ein todrecht da verviel, der schol ze todrecht geben zwen und dreyzzich phenning, und wer awffvert der schol geben zwen und dreyzzich phenning, und wer abvert der schol geben zwen und dreyzzich phenning und ze jeder hochzeit zwen chès und schol jeder chés vier phenning wert sein. si schûllen auch in unser stift gen mit zwain hunrrn und an schaden daraws, und wër daz si uns den dienst versézzen viertzehen tag, so schüllen si uns ze wandel geben sechtzich phenning: versèzzen si dann aber viertzehen tag, so sind si uns aber ze wandel vervallen sechtzich phenning. Versèzzen si dann drey viertzehen tag daz si uns dienst und wandel nich gêben, so habent sich allew irew recht ver¬ vallen an dem vorgenanten gût und ist wider unser ledigs gût als, vor. Daz in daz allez stêt und unverchert beleib daruber ze einem waren urchund geb wir in ich vorgenanter Haintzel der Zeller und ieh Christel der Zeller den offen prief versigelten mit unsers lyeben ohaims Hainreichs dez Stainpechen anhangundem insigel ze den zeyten richter ze Schërding, und under unsers lychen öhaims Lyenhartz dez Ekker anhangundem insigel ze den zeiten phleger ze Drêtenekk, di irew insigel durch unserr vleizzigen pet willen an den prief habent gelegt in und iren erben an schaden, wand wir selber aygner insigel nicht heten. Darunder wir uns paid Zeller under di vorgenanten insigel verpinden mit unsern trewn allez daz stêt ze h(alten), daz vor verschriben stet. Der prief ist geben do man zalt von Christi gepûrt tawsent jar drew hundert jar darnach in dem zwai und sechtzigsten jar an dem heyligen ebenweichtag. Orig.. Perg., zu St. Martin (im Inkreise). halb vermodert, Siegel verloren. 1362. 7. Jäner. Wien. — Befchl des Herzogs Rudolf, die Rürger von Ens wegen der Schatzsteuer bei dem Herkommen zu lassen. Wir Ruedolff von Gotes genaden herczog ze Osterreich ze Steir ze Kernden ... enbieten unserm lieben getrewn Jansen dem Trawnner unserm hawbptman ob der Enns unsser gnad und alles gut. wir enphelichen dir ernstleich und wellen, daz du unsser puriger von Enns ir hab verschaczstewren lassest als daz in ir stat bei in von alltter herchomen ist, daran wegestu gänczleich unsern willen,
RkJQdWJsaXNoZXIy MjQ4MjI2