pfrunde an chost und an wein uncz an seinen tod lieplich und fuder¬ lich geben in aller der weiz als wir im die yeczund geben und furbaz sey wir im nihtz mer gepuntten ze geben, ez wêr denn daz wir im an derselben pfründe ihitz verzügen und im die als oben geredt ist nicht gèben dez er uns beweisen mocht, so mag er acht pfunt pfenning die im dafur gehôren ze geben, all jar uncz an seinen tode an uns und unser nachkomen vodern ze zwain têgen, halb ze sand Michahelis tage und halb ze sand Georij tag, und dann schüll wir im auch niht wider sein wir geben im die an alle sein schêden an gevêr. Stirbt aber her Gotfrid ee denn die vorgenant Elispet, darumb schüllen wir ir an irem vorgenanten leibgedinge nihtz abnemen, und ob si dann einen andern capplan nimpt den schol si haben in allen den rechten als si hern Gotfrid yeczund habend ist, aber niht lenger dann uncz an iren tode. Und daz ir die vorgenant tayding stêt beleiben haben wir ir mit unsern trewen verhaizzen an alles gever. Wêr aber daz wir in die niht stêt hielten, welhe schêden si der dann nêmen den ir ains pei seinen trewen an ayd und alles recht gesagen möcht, die selben schêden alle mitsampt dem leipgedinge schüllen wir, in ablegen und widercheren an alle widerred, und schullen si auch die haben auf uns auf den vorgenanten weingerten und auf aller unser habe die wir indert haben, und in welhen steten gerichten oder mautten si die erforschen mugen, darauf mügen si vallen und sich der an alles recht underwinden und sich davon weren als vil uncz daz si hauptgucz und aller schêden gancz und gar gewert werden. Und ze urkund der sache geben wir in den prief mit unserm und unsers coventz insigel versigelt, und ze pezzrer gewizhait mit der erwern herren hern Michahets abptes ze Goeztal und seins coventz insigeln versigelt, der geben ist ze Styerbach am pfincztag nach unser vrawen tag ze liechtmezz nach Christi gepurt drewczehen hundert jare darnach in dem zway und sibenczigstem jare. Orig., Perg., mit vier hängenden Siegeln im Klosterarchiv zu Schlierbach. die Abbteisiegel von grünem. die des Convents von weissem Wachs.
RkJQdWJsaXNoZXIy MjQ4MjI2