DLXVII. 1372. 5. Februar. Schlierbach. Aebbtissin und Courent zu Schlierbach reversiren, Elsbethen der Witwe Hansen des Hosmunds, welche zum Kloster zwei Weingärten gestiftet, ein Leibgeding von 36 Pfund Pfenning zu geben. WIR Katarina abtessyn ze Styerbach graes ordens genant cysterciensis und mitsampt uns der gemain covent aller vrawn ver¬ gehen, umb die zwen weingërten in Osterreich ze Newnburg chlosterhalben gelegen, ainer in der Ziegelgrub zenêhst dez herczogen weingarten dem Enser, und umb den andern in dem Aychweg gelegen pei hern Jórgen weingarten genant her Jorig Tuez die uns und unserm vorgenanten chloster ze rechtem aygen gegeben hat die erwer vraw Elispet witib Hansen dez Hosmunds sêlig, der weilut purgermaister und mautter ze Pazzare gewesen ist. Von derselben trewe und fuderung wegen haben wir uns unser nachkômen und chloster verpuntten und verpinten uns auch mit dem prief, daz wier derselben vrawn Elispeten die weil si lebt alle jar von den obgenanten weingerten raichen und geben schüllen ze rechtem leibgeding sehs und dreizzik pfunt alter wienner pfenning an alle ir schêden, aber der selben pfenning schullen uns an der chost und an dem trinkchen daz si und ir capplan von uns nemen. als lang daz wert alle jar abgen sechczehen pfunt ptenning und nicht mer, und die übrigen zwainczik pfunt pfenning schüllen wir ir an alle ir schêden geben zden vier quotempern ze yder besunder funf pfunt pfenning. Wolt aber si ir chost und ir trinkchen mitsampt irem capplan besunder haben dez schull wir si nicht irren, und ob daz geschieht so schüllen wir ir die sehczehen pfunt pfenning geben pfeningsweizz auch zden selben vier quotempern ze ydern vier pfunt pfenning besunder an alle ir schêden. Vergieng auch sich daz die vorgenant vrawe Elispet pei uns nicht lenger beleiben wolt und ir lebtag anderswo verzeren wolt daran schull wir si nicht hindern. und swenn daz geschieht so schülle wir ir alles ir leibgedinge daz sint die sechs und dreyzzik pfunt pfenning miteinander geben und senden zden vorgenanten vier quotempern ze yder newn pfunt pfenning besunder uber vier meil von unserm egenanten chloster swo si oder ir gewizze potschafft die nemen welln an alle ir schêden. Ist aber daz si her Gotfrid ir capplan ûberlebt, so schûll wir im die
RkJQdWJsaXNoZXIy MjQ4MjI2