auf eins purger podem so geit der gast sein mautt und zwen phenning ze stegreht von der zuln und der purger sein reht. - Waz nu di mautten sullen die reht habent. Wer recht hat der sol mautten joltz (?) von eim stuk vir phenning von eim versniten tuch vir phenning von eim versniten loden vir phenning und waz si dar nach furent daz sullen si mautten náw und wider ważzer als ander gelt und auch ir reht geben wider ważzer. Man geit von einem mutt chorn vir phenning oder welherlai ein man furt so geit er je von dem mutt vir phenning. Waz man von wein geit. Von einem fueder wein dreizikch denar von einem dreiling zwaintzik denar, furt ein man miner dann einn dreiling so sol er immer vom emer geben einn phenning, also ist yem auch an dem traid wann ein man miner furt ains mezen so sol er ye vom metzen geben ainn phenning. Waz man von saltz geit. Von einer chueffen saltz zwen phenning von eim fueder saltz ain helleing von eim phunt chlainer chuefflein virtzikch phenning. Was man von gwant geit. So geit man von einem saum gwantz zwen und dreizikch denar, sważ swers tuchs ist das maht zwelif tuch ein saum, sważ ringes tuchs ist des machent sechtzehen tuch ein saum, und swann der tuch ainz oder zwaier miner wer denn ein saum so mag der mautter von jedem tuch nemen vir phening, von einem gantzen tuch gehornt vir phening. ist ein elnn darab gesniten, danoch gehort der von vir phening von zwainzikch elen vir phening von sechzehen elen vir phening von zwelif elen vir phening von acht elnn vir phening von sechs elen zwen von vir elnn zwen phening von drein elnn zwen phenning von zwain elnn zwen phening von anderthalben elnn ain phening, von ainer elnn nicht.
RkJQdWJsaXNoZXIy MjQ4MjI2