wir recht und redleichen verchauft und geben mit alle dem nutze und rechten alz die mit alten rechten in perchrechtes gewer her¬ chomen ist umb acht phunt und umb sechtzehen phenninge allez wienner munizz der wir gar und gantz gericht und gewert sein ze rechten tagen, dem erbern herren probst Fridreichen ze Walthawssen und seinem convent dez selben gotshaus. Und doruber ze einer peszem sicherhait so setz und verpint wir uns ich egenanter Symon der Choppenarr und ich Anna sein hausfrow und unser erben unverschaidenleichen uber die vargenant rachen weingarten dem erbern herren probst Fridreichen ze Walthawssen und seinem convent gemain dez selben gotshaus ze rechten gewern und scherm var aller ansprach alz perchrehtes recht ist und dez landez recht in Osterreich. Wær aber daz sew furbaz dhainerlay ansprach icht gebunnen an der oftgenanten rachen weingarten und ob in mit recht doran icht abget. waż sew dez schaden nement mit nachraysen mit potschaft oder mit zerunge wie so daz genant ist, den schullen wir in allen ablegen auzrichten und widerchern an alle ir mù und an allen iren schaden. Auch ist ze merkchen, daz wir in ze einer peszern sicherhait haben geben und ingantburt zwen gantz versigilt brief, ainer sagt ain phunt geltz von Olten dem Premiger uber die vor¬ genant rachen weingarten, der ander brief ist ain behabbrief uber dieselb rachen weingarten, und ob in (uber) dieselb rachen wein¬ garten ansprach wurd von swem daz wær swenne si uns danne mit dem brief mant ze rechter zeit und dew zwen brief gantz versigilt und unczerbrochen wider gebent, so wellen wir fuer sew in die gwerschaft sten. wær aber daz sew die selben zwen brief fluren oder zeprachen, wurd icht schad dovon chunftichk wie so daz genant ist, dez schol der perchherre ungolten sein und schuln auch wir dez scherm danne furbaz aller sach von in gar und gantz ledichk sein. Und daż der chauf und scherm furbaz also stæt und allez daz und varbenant ist gantz und untzerbrochen weleib und swenne wir selh nicht aigen insigil enhaben, doruber ze einem warn sichtigen urchunde geben wir in den brief versigelt mit der oftgenanten rachen weingarten perchherren insigil dez erbern chórherren hern Mari¬ chartz von Rust ze den zeiten obrister chelner dez gotshaus unser vroven ze Neunburch chlosterhalben, und mit dez erbern mann insigil Jórigeins pei dem tor und mit dez erbern mann insigi Merten dez Schreyber purger ze Neunburch. Der brief ist geben
RkJQdWJsaXNoZXIy MjQ4MjI2