Schüler purger ze Gmunden unserm getrewn lieben in Got Jannsen pharrer ze Gmunden und seinen nachkomen und unser vrown zu iren chirchen in der egenanten stat gemachtt geschafft und geben hat ledichleich und freyleich auf seiner nuczz und gewêr sein purch¬ recht daz er hat ze Gmunden, von erst auf der hofstat da Hainreich der Prúndel vormaln auf gesezzen ist sechczk wienner phennyng gelts und leit gegen dem pharrhoff über. darczue fümsczehen phunt unslicz auf des Chroppffleins haus, und auf des Géwtleins haus fumf phunt unslicz und auf Merteins des Freytags haus zehen phunt unslicz, daz alles leit gein dem pharrhoff uber, und darczue auf Ulreichs des Kramer haus an dem obern markcht sechs schilling wienner phennyng gelts daz gelegen ist zenachst Niclos des Faul¬ fleisch haus. Darumb hat sich der vorgenant Janns für sich und für sein nachkomen mit gütem willen sunder mit unserr gunst und bestætigung hinwider verpunden, daz er und ain ygleich pharrêr oder chirchherr ze Gmunden einen ewigen jartag des egenanten Mathes vater sel Chunrats des Schüler und seiner hausvrowen Margreten seiner müter iren kinden und dem obengenanten Mathesen seiner hausfrowen Margreten aller irr chind und allen gelaubigen seln ze hilf und ze trost begen sullen des nachsten phincztags nach unser vrown tag zu der schiedung also, daz der pharrer oder vicari doselbs sol haizzen singen löbleich mit seinen herren vor am mitichen dez abents ein vespper von dem heiligen Geist und darnach ein gesungnew vigilij und mit der procession gen auf sein begrebnuss und irr vor¬ vodern sælig, dann am pfincztag morgen ein gesungen selmess und ein gesungens ambt löbleich vom heiligen Geist haizzen singen, und under den zwain ambten sol der pharrer und ein yedweder sein nachkomen haizzen sprechen und ausrichten fumf mess dem vor¬ genanten Chunrat und Mathesen ir hausfrown iren chinden iren vorvodern und nachkomen und allen gelaubigen seln. Darczue sol der vorgenant Janns pfarrer ze Gmunden und sein nachkomen raichen und geben von dem egenanten purchrecht den herren di in dem pharrhof sind daz si der sel dester vleizzichleicher gedenchen sechczk wienner phennyng und sol auch dem schulmaister geben sechczehen phennyng und dem mesner acht phennyng und sol auch all jar geben in der burger zech oder in ein anderew vir und zwainczk phennyng daż man cherczzen darumb leich zu der vigilij und zu der selmess, darczue sol er auch geben in daz spital ze
RkJQdWJsaXNoZXIy MjQ4MjI2