mautthauses in aller der mazze und weise ewichlich zu haben und zu besiczen, alz der egenanten unsrer sûne briefe lauttend die si in darüber gegeben habent alz vor geschriben stet, von uns unsern nachkomen an dem reiche römischen keisern und königen, unsern amptlûten und getrewen undertanen ungehindert. Und darumb so gebieten wier allen fürsten geistlichen und weltlichen grafen freyen dinstlüten rittern knechten richtern gemeinscheften der stette und allen andern unsern und des reiches amptlûten und getrewn under tanen die nu sein oder in zeiten werden, daz si alle noch ier dheiner die egenanten den probst die korherren das capittel und die stift an derselben mautte und dem mautthause und an allen ieren nûczen rechten freiheiten und zügehörungen nymmer in dheinen zeiten hindern irren noch beschedigen sullen, sunder si sullen si dabey von unsern und des reiches wegen getrewlich behalten schirmen hant¬ haben und schûczen, alz offt si des von in oder ieren wegen ermanet werden alz si unsere und des reiches swère ungenad vermeiden wollen. Mit urchund dicz briefs versigelt mit unsrer keiserlichen majestat insigel. Geben zu Prag an sunntag nach sand Michels tag nach Kristes gepûrd tausent drewhundert und in dem aynen und sibenczigisten jaren unserr reiche in dem sechs und czweinczigisten und des keisertums in dem sibenczehenden jaren. Per Cesarem. Orig.. Perg., mit dem gut erhaltenen grossen kaiserlichen Siegel; im k. k. Hausarchiv. DLVI. 1371. 17. October. — Der Zechmeister der Elendenzeche zu Steyr überlässt an Marchart den Räntschen eine Fleischbank gegen einen jährlichen Dienst in das Spital. Ich Heinrich der Forster zder zeit zechmaister der ellenden zeche ze Steyr vergich, daz ich mit willen und gunst und nach weisung und rat der erbern lewte paide dez rats und auch der gemain ze Stcyr ain vleischpanch hingelazzen han gelegen ze Steyr in der stat an der obern zeil die ekkpanch gelegen geng Gotfrids dez Ripler vleischpanch uber, dieselben vleischpanch die erber fraw Hiltgart Ditmars dez Chramer witib von mir obgenanten Heinreichen dem Forster und Weinmarn dem Tewerbanger
RkJQdWJsaXNoZXIy MjQ4MjI2