dez vorgenanten Chunratz seiner hawsfrawn und irer erben herre scherm und gewer für alle ansprach alz dez landes recht ist. Mit urkund dez briefs. Geben ze Ebelzberch an pfincztag nach sand Michels tag nach Christi gepürd dreuzehenhundert jar und in dem ainen und sibentzigisten jar. Orig.. Perg., mit einem angehängten rothen Wachssiegel; im Stadtarchiv zu Freistadt. DLV. 1371. 5. October. Prag. — Kaiser Karl IV. bestätigt die Verleihung der Mauth zu Mauthausen an die Propstei zu St. Stephan in Wien. Wir Karle von Gotes gnaden romischer keyser ze allen zeiten merêr des reiches und kunige ze Beheim bechennen und tun chunt offenlich mit disem briefe allen den die in sehent lesent oder horent lesen, wan die hochgebornen Albrecht und Lupolt herczogen zu Osterreich etc. unser lieben sûne und fürsten der probstey und der stifte in sand Stephans kirche ze Wienn dem probste den kor¬ herren und dem capittel daselbs gegeben gefüget und veraint habent zu einer ewigen steten unwiderrufflichen gabe ir mautt ze Mautthausen mit dem mautthause daselbs die von uns und dem reiche ze lehen rurent, mit allen iren nüczen rechten frayhaiten wirden eren und loblichen gewonheiten alz das in iren briefen die si in daruber gegeben habent völlichlich begriffen ist, und uns gebetten habent daz wier alz ein romischer keiser und derselben mautte und des mautthauses obrister ordenlicher und naturlicher lehenherre sulche gabe und veraynunge zu confirmieren und bestettigen und denselben dem probste den korherren dem capittel und der stifte die eygenschaft derselben mautte und des mautthauses zu geben und zu ynleiben genêdichlich gerüchten, des haben wier durch manigvaltige liebe trewe und fruntschaft die wier zû denselben unsern sûnen haben ire bette genêdichlich erhöret und mit wolbedachtem mûte mit gûtem und eintrêchtigem rate unsrer und des reiches fürsten edeln und getrewn die egenante gabe und veraynung gewillet gelobt confirmieret und bestettiget, willen loben confirmieren und bestetten si mit rechter wizzen von keiserlicher mêchte volkomenheit und geben ouch und ynleihen den egenanten dem probste den korherren dem capittel und der stifte die eygenschaft derselben mautte und des
RkJQdWJsaXNoZXIy MjQ4MjI2