und begierd wegen die wir je zi im gehabt haben und ymmer haben wellen, und ouch durch seiner grozzen miltichait willen die er uns offt und dikch enzaigt hat, vestichlich in unser hertze genomen und verhiezzen im innerklichen, wêre daz uns gelungen und gelucklichen gieng in dem egenanten chrieg wider den egenanten patriarchen von Aglay sein helffer und gunner, daz wir im dann ein ewig messe stifften und wydmen wolten in sein chapellen genant sant Georgenchapellen, die gelegen ist daselbs ze Ens vor der stat. Nu ist uns von Gots gnaden und mit desselben sant Jorigen hilffe in dem selben krieg wol gelungen also, daz wir denselben patriarchen von Aglay gen Wienne pracht haben und haben taiding an im nach allem unserm willen der uns wol genüget. Und darumb seind es uns als geluklichen gegangen ist in denselben sachen, haben wir dem egenanten sand Gcorigen im ze lob und ze eren und uns und allen unsern vordern und nachkomen ze hilff und ze trost an sele und an leib ein ewig messe in sand Georigen Chapellen vor der stat ze Ens di man têglich da haben sol gestifft und gewidmet mit sechtzehen phunt wienner phenning geltes, die man einem jeglichen chapplan swer ye ze den zeiten derselben messe verweser und chapplan ist, von unsrer mautt ze Ens alle jar ze jeglicher quatember vier phunt phenning unvertzogenlichen und ane alle irrunge raichen und geben sol. Davon gebieten wir ernstlichen unserm mautter daselbs ze Ens swer ye ze den zeiten da ist er sei gegenwurtig oder kunftig und wellen, daz er von der egenanten unsrer mautt dem vorgenanten chapplan der ob¬ genanten unsrer ewigen messe in sant Georigen chapellen sechtzehen phunt wienner phenning alle jar unverzogenlichen raihe und gebe ze vier zeiten in dem jar als da vorgeschriben stet. Ouch sullen wir unser bruder unser aller erben und nachkomen dieselben messe ewichlichen leihen oder swem wir vorgenanter hertzog Rüdolff die geben ze leihen. Und des ze einer ewigen bestêtigunge und sicher hait geben wir offtgenanter hertzog Rüdolff disen brief versigelten und mit unserm grozzen furstlichen anhangunden insigel. Hiebey waren und sint diser sache getzewgen die erwirdigen her Ludweig patriarch ze Aglay her Johans byschof ze Olmuntz her Gótfrid byscho ze Puzzow her Johans bischof ze Gurk unser lieber kantzler, her Friderich Albrecht und Leupolt der obgenanten lande mitsampt uns hertzogen und herren unser lieb brûder, her Johans marichgraf ze Merhern her Albrecht hertzog ze Sachssen und Meinhart
RkJQdWJsaXNoZXIy MjQ4MjI2