544 vorgeschriben stet, swenne si danne dieselben unser purgeln oder ir nêchste erben ob si nicht weren manent und vordernt, so sol ir yeklicher zwen erber rittermezzig knechte yeklichen selbandern mit zwain pherden des néchsten tages darnach ze Wels in die statt in ain erber gasthaus senden und innlegen swa si in hinzaigen, und sullen die da inneliggen und laisten als innliggens und laistens recht ist, und da nymmer auskomen ez werd ee der vorgenant graf Otreich von Schawnberg und sein erben der egenanten fumfczehen hundert phunt phenning gancz und gar gewert und gerichtt. Wer aber daz in die laistung verczogen und also nicht volfurt wûrd, swas si danne der egenanten phenning nach dem obgenanten zil furbazz schaden nement wie der genant ist und den si gesprechen mügent iren slechten wortten an ayd und ander bewérung darumb ze gelauben. denselben schaden mitsampt dem hauptgüt sullen in die vorgenanten unser pürgeln genczlich ablegen und widerkeren. Si sullent ouch hauptgüt und schaden haben auf in unverschaidenlich und auf allem iren gůt wa si das haben und wie das genant ist si sein lebentig oder tod. und wer disen gegenwurtigen brief mit des obgenanten gra/ Ulreichs von Schawnberg güten willen innehat und die egenanten purgeln damit manet, dem sind si alles des gepunden ze gelten ze laisten und ze volfuren das vorgeschriben stet ze geleicher weise als im selber. und daruber geben wir obgenanter herczog Leupolt von Osterreich disen brief versigelten mit unserm und der egenanten unsrer purgeln insigeln. Und wier die vorgenanten purgeln ich Hans von Trawn haubtmann ze der Freyenstat ich Ott von Zelking von Schónck und ich Reinhart Wéhinger hofmaister verjehen und bechennen, daz wier durch des obgenanten unsers lieben genédigen herren herczog Leupolts bet willen hinder dis purgelschafft willek¬ leich gegangen sein und verhaizzen mit unsern trewen an all gever und widerred stêt ze haben ze laisten und ze volfuren alles das hie vor an disem brief von unsern wegen geschriben stet, und haben darûber zu des vorgenanten unsers herren herczog Leupolts insigel die unsern haizzen henken an disen gegenwurtigen brief. Der geben ist ze Steyr an sand Matheus tag des heiligen zwelfbotten und ewangelisten nach Kristes gepûrd drewczchen hundert jar darnach in dem ainen und sibenczigisten jare. Orig., Perg., die Siegel alle verloren; im fürstlichen Archiv zu Eferding.
RkJQdWJsaXNoZXIy MjQ4MjI2