542 geschrieben stet wann ich di zeit nicht aygens insigels gehabt han, daz geschehen ist nach Christs gepurt uber dreutzechenhundert jar dar nach in dem ainen und sybentzigisten jar an sand Gyligen tag. Orig., Perg., im Stiftsarchiv zu Lambach; das Siegel des G. Pachleitner gut erhalten; das des St. Hyert beschädigt. DLXVII. 1371. 8. September. — Der Abbt von Garsten verspricht die für Chunrat den Perausch in der Kirche zu Weyer gestiftete Messe genau lesen zu lassen. Wir Nicla von Gotes genaden abbt dez gotzhauzz ze Gersten und der gantz conventt daselbs vergehen, daz der beschaiden Chunrat der Perausch purger ze Steyr und sein mithelfer gewidemt habent und gestifft Got ze lob in selb ieren vorvodern und allen gelaubigen seln zu trost ain ewigew mess di man an underlas alle tag têgleich haben schul entzeit in sand Johannschirchen datz dem Weyer und besunderleich an dem mitichen fruer denn ander tag in der wochen, darum si uns beraits gelts gegeben habent und gentzleich verricht anderhalbhundert pfunt wyenner pfenning in sogetaner mainung, daz wir darum wolbedach mit unserm gutleichen willen unserm pfarrer dutz Gaflentz der diselben mess von unsern wegen haben schol und verwesen haben gegeben und ausgetzaigt die gueter di hernach geschriben stent für zehen pfunt pfenning gelts auf die di mess gestift ist, Nagelhof Moderlehen Awrlehen daz lehen am pawn¬ gurten Gorawslehen Ymriklehen und der Cholpach Fuchslehen auf dem Chirichpühel auf der Strewzzin guet daselbs allen den genanten dienst der von den selben guetern gehort ze raihen; es sey traid pfenning swein huener ayr alz man uns daz vormaln gedient hat, daz schol einem pfarrer gevallen fur di zehen pfunt geltz und sust chain fadrung nicht, wand stift und stor zehent und stewer wandel und allew pezzrung behalt wir uns und unserm gotzhaus ze niczzen so is von alter gewesen ist. War awer daz sich dhain stos oder ierrung erhueb davon di egenant mess wuerd vertzogen und nicht têgleich folpracht, ez wer von eins pfarrer saumung oder von unsrer amptlewt schuld oder von unsern wegen wie so sich daz fueget, daz selb schull wir ze hant alzpald is an uns pracht wiert wenden und gar richtig macheń, und waż versaumt ist erstatten und wider gentzleich erfollen.
RkJQdWJsaXNoZXIy MjQ4MjI2