540 montag nach sand Laurentzen tag do man zallt von Kristi gepurdt drewzechenhundertt jar darnach in dem ain und sibentzigistenn jarenn. Aus einem Inventarium Schaunberg'scher Urkunden geschrieben auf Papier gegen das Ende des XV. Jahrhunderts: im fürstlichen Archiv zu Eferding. DXLV. 1371. 26. August. — Heinrich der Schlosser von Wademspach verkauft an das Kloster Schlierbach den von Eberhart von Wallsee lehenbaren Zehent auf der Karglin Lchen zu Weigerstorf in der Pfarre Kirchdorf. ICH Heinrich der Slosser von Wademspach mein hausfraw und mitsampt uns all unser payder erben wir tun chund und verjehen, daz wir haben cze chauffen geben recht und redleich der ersamen wirdigen und geistleichen und unsrer liben frawn frawn Kathrein ze den czeiten abtessin ze Stirbach und dem convent gemainchleich daselbs unsern czehent ze Weygersdorff auf der Cherglin lehen gelegen in Chirchdorffer pharr, und der selb czehent ist unser rechez lehen gewesen von unserm gnadigen herrn hern Ewerharten von Walse saliger. wir haben in auch den selben czehent geben umb ein gelt dez sew uns gar und gänczleich gericht und gewert habent. wir haben in auch den selben czehent geben auf dem vorverschriben lehen mit allen den eren rechten und nuczen und darczu gehort auz unsrer nucz und gwer in ir nucz und gewer. wir haben uns auch den dez selben czehent auf dem selben lehen furczicht tan mit der beschaydenhait, daz wir und all unser erben und nachchomen chain ansprach darnach nicht mer haben schullen weder mit recht noch an recht. wir schullen auch dez selben czehencz ir furstand und ir rechter gewer sein an aller der stat und in dez nöt und dürft geschieht und auch alz chaufs und gewerschaft recht ist in dem lant ob der Ens. Gieng unsern lieben gnadigen frawn cze Slirbach an der gwerschaft von uns icht ab dà sew schaden inn namen, wy der schad genant wár den dew selben frawn aynew gesprechen mocht pey ir gewissen an allez recht, den selben schaden mitsampt dem hauptgüt schull wir in gar und ganczleich widerchern. Daz unsrer lieben gnadigen frawn frawn Kathrein der abtissin ze Slirbach und dem convent daselbs daz also stat gancz und unverchert von uns und von allen unsern erben und nachchomen ewichleich peleib, daz loben wir inn mit
RkJQdWJsaXNoZXIy MjQ4MjI2