537 phunt geltes seins versezzen dienst und melt dorauf die zwispilt ze virzechen tagen alz sein brief sagt, und pat dorumb gerichtz und fragen waż ain recht wâer. do fragt ich umb, do ward ertailt man scholt vrowen Agnesen Otten dez Premiger hausfrowen und iren erben furbot lazzen werden ob sew daz verantburten wolten seind sew die rachen weingarten in nucze und in gwer hieten, und geschach dornach ważz ain recht war. daz furbot ward in gesagt und ze wissen getan, daz vronpot bewært er hiet in daz furbot gesagt und ze wissen getan. do chom niemant auf die antburt der dew var¬ genanten rachen weingarten verantburt hiet, do pat Symon der Choppenarr fragen waż ain recht wær. do fragt ich umb, do ward ertailt er scholt fürbaz chlagen ze virzechen tagen umb den versezzen dienst und umb die zwispilt unczen auf den virden fürganch, und scholt auch alz oft immer vrowen Agnesen Otten dez Premiger hausfrow und iren erben furbot lazzen werden, chæmen sew danne nicht auf die antburt so scholt man Symon dem Choppenari beschawer auf die rachen weingarten geben und geschæch dornach aber waż ain recht wær. daz vergie sich allez mit recht und chom niemant auf di antburt. do wurden Symonn dem Choppenarr schaczer und schawer ertailt zwen erber man Jans der Chórndler und Jacob der Chrótel, den enphalich ich daz auf ir trew var recht, nach der selben zeit chomen die zwen man wider fuer mich fuer recht. dew fragt ich, die sagten ir chundschaft pey iren treûn alz sew ze recht scholten, ez wær die vargenant rachen weingarten so teûr nicht alz der versezzen dienst und alle die zwispilt dew mit recht dorauf ertailt warden, do ward uber gefragt waz recht war. do ward ertailt und geviel auch mit recht seind schaczer und schawer ir chundschaft gesagt hieten, so hiet Symon der Choppenarr die oftgenant rachen weingarten erlangt und behabt und scholt in der gewaltich machen allen sein frumen domit ze schaffen mit verchauffen mit verseczen geben swem er wolt. Ez ward auch ertailt und geviel mit recht, ich scholt dew gwer virzechen tag inne haben und scholt in der zeit die egenanten vrowen und ir erben die rachen weingarten anpieten ob sew die losen wolten, so geschæch waż recht wær nach. wolten sew die nicht losen so scholt ich Symon dem Choppenar die gwer leichen und dez rechten ain behabbrief geben und scholt er mir dorumb meine recht geben und daz hat er getan, und daz sich daz allez also rechtleich vergangen hab doruber ze einem warn
RkJQdWJsaXNoZXIy MjQ4MjI2